ក្រុមអាជ្ញាធរអាហ្វហ្គានីស្ថាន និយាយនៅថ្ងៃសុក្រនេះថា កងទ័ពអាកាសប៉ាគីស្ថាន បានបើកការវាយប្រហារទាំងយប់លើគោលដៅជាច្រើនរបស់អាហ្វហ្គានីស្ថាន រួមទាំងនៅតាមតំបន់រស់នៅរបស់អ្នកស្រុក ស្ថិតក្នុងរដ្ឋធានីកាប៊ុល ហេដ្ឋារចនាសម្ព័ន្ធនៅជិតអាកាសយានដ្ឋាន Kandahar ហើយនិងខេត្តជាច្រើននៅតាមបណ្តោយព្រំដែនរួមគ្នា ដោយបានសម្លាប់ជនស៊ីវិលយ៉ាងហោច ៤នាក់ និងមនុស្សរាប់សិបនាក់ផ្សេងទៀត រងរបួស ។

រដ្ឋាភិបាលតាលីបង់ រាយការណ៍ថា ស្រ្តី និងកុមារ ស្ថិតក្នុងចំណោមជនរងគ្រោះ ហើយដឺប៉ូស្តុកប្រេងក្រុមហ៊ុនអាកាសចរណ៍ឯកជនមួយកន្លែង រងការខូចខាត ។

ទីក្រុងអ៊ីស្លាម៉ាបាដ ចាត់ទុកសកម្មភាពរបស់ខ្លួនថា ជាផ្នែកមួយនៃយុទ្ធនាការសន្តិសុខប្រឆាំងក្រុមជីវពល ដែលពួកគេចោទប្រកាន់អាហ្វហ្គានីស្ថានថា ជាអ្នកផ្តល់ជម្រកជ្រកកោន ជាពិសេសក្រុមឧទ្ទាម TTP បើទោះបីជាទីក្រុងកាប៊ុលច្រានចោលការចោទប្រកាន់នេះក៏ដោយ ។

ក្រុមសង្កេតការអង្គការសហប្រជាជាតិ(UN) និងក្រុមសង្កេតការអន្តរជាតិ រាយការណ៍ថា ជម្លោះមួយនេះ បណ្តាលឲ្យមនុស្សរាប់សែននាក់ ត្រូវបានជម្លៀសខ្លួន និងបណ្តាលឲ្យមានវិបត្តិមនុស្សធម៌កើនឡើង ។

ដោយឡែក កិច្ចខិតខំផ្នែកការទូត ដើម្បីបន្ធូរបន្ថយភាពតានតឹង រួមទាំងការសម្រេបសម្រួលរបស់ចិន ត្រូវបានគេរាយការណ៍ថា បានកើតមាន បើទោះបីជាការប៉ះទង្គិចគ្នា បន្តផ្ទុះឡោះងនៅតាមខ្សែបន្ទាត់ព្រំដែនក៏ដោយ ៕