កងឆ្មាំបដិវត្តន៍អ៊ីរ៉ង់ ដែលជាអង្គភាពមនោគមវិជ្ជានៃយោធារបស់ប្រទេសនេះ បានព្រមាននៅថ្ងៃសុក្រ (ទី១៣ ខែកុម្ភៈ)នេះថា ការតវ៉ាថ្មីណាមួយប្រឆាំងនឹងអាជ្ញាធរ នឹងត្រូវបានឆ្លើយតបខ្លាំងជាង នៅក្នុងខែមករា នៅពេលដែលមនុស្សរាប់ពាន់នាក់ ត្រូវបានសម្លាប់។

កងឆ្មាំនេះ បាននិយាយនៅក្នុងសេចក្តីថ្លែងការណ៍មួយដែលចាក់ផ្សាយតាមទូរទស្សន៍ថា៖ «សត្រូវអាក្រក់ ដែលមិនបានសម្រេចគោលដៅសមរភូមិរបស់ខ្លួន កំពុងបន្តបង្កើតការភ័យខ្លាច និងកុបកម្មតាមដងផ្លូវម្តងទៀត» ដោយសន្យាថា នឹង «វាយប្រហារខ្លាំងជាង នៅថ្ងៃទី ០៨ ខែមករា» ក្នុងករណីមានភាពចលាចលថ្មីកើតឡើង។ 

ការព្រមាននេះ កើតឡើងពីរសប្តាហ៍នៅក្នុងសង្គ្រាមរបស់អ៊ីរ៉ង់ជាមួយសហរដ្ឋអាមេរិក និងអ៊ីស្រាអែល ដែលនាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ និយាយថា គោលបំណងមួយគឺ «បង្កើតលក្ខខណ្ឌសម្រាប់ប្រជាជនអ៊ីរ៉ង់ ដើម្បីផ្តួលរំលំ» រដ្ឋាភិបាលអ៊ីរ៉ង់។

ប្រធានាធិបតីអាមេរិក លោក ដូណាល់ ត្រាំ ក៏បានអំពាវនាវឲ្យប្រជាជនអ៊ីរ៉ង់ងើបឡើង និងផ្តួលរំលំរដ្ឋាភិបាលរបស់ពួកគេផងដែរ។

នៅក្នុងខែធ្នូ ការតវ៉ាប្រឆាំងនឹងការចំណាយខ្ពស់នៃការរស់នៅនៅក្នុងប្រទេសអ៊ីរ៉ង់ បានប្រែក្លាយទៅជាចលនាតវ៉ាយ៉ាងទូលំទូលាយប្រឆាំងនឹងអាជ្ញាធរអ៊ីរ៉ង់៕