យោធាសហរដ្ឋអាមេរិក និយាយនៅថ្ងៃសុក្រនេះថា មនុស្ស ៤នាក់ ក្នុងចំណោមសមាជិកយានិក ៦នាក់ នៅលើយន្តហោះចាក់ប្រេងយោធាសហរដ្ឋអាមេរិក ដែលបានធ្លាក់នៅតំបន់ភាគខាងលិចប្រទេសអ៊ីរ៉ាក់ ត្រូវបានប្រកាសថា បានស្លាប់ ស្របពេលដែលកិច្ចខិតខំ នៅបន្តដើម្បីស្វែងយានិក ២នាក់ទៀត ដែលសេសសល់ ។

យន្តហោះចាក់ប្រេងយោធាសហរដ្ឋអាមេរិក បានធ្លាក់នៅតំបន់ភាគខាងលិចអ៊ីរ៉ាក់ កាលពីថ្ងៃព្រហស្បតិ៍ នៅក្នុងឧបទ្ទេវហេតុមួយដែលយោធានិយាយថា ជាប់ពាក់ព័ន្ធនឹងយន្តហោះមួយគ្រឿងទៀត ប៉ុន្តែមិនមែនជាលទ្ធផលនៃអរិភាព ឬការបាញ់ប្រហាររបស់មិត្តនោះឡើយ ។

សេចក្តីថ្លែងការណ៍ពីមេបញ្ជាការកណ្តាលសហរដ្ឋអាមេរិក និយាយថា ស្ថានភាពនៃឧបទ្ទេវហេតុនេះ កំពុងស្ថិតក្រោមការស៊ើបអង្កេត ។ ទោះបីជាយ៉ាងណាក៏ដោយ ការបាត់បត់យន្តហោះមួយគ្រឿងនេះ មិនពាក់ព័ន្ធនឹងអរិភាព ឬការបាញ់ប្រហាររបស់មិត្តនោះឡើយ ។

ពួកគេបន្តថា នៅវេលាម៉ោងប្រហែល ២រសៀល ម៉ោងក្នុងស្រុក ថ្ងៃទី ១២ ខែមីនា យន្តហោះចាក់ប្រេង KC-135 របស់សហរដ្ឋអាមេរិក បានធ្លាក់នៅតំបន់ភាគខាងលិចប្រទេសអ៊ីរ៉ាក់ ។ យានិក ៤នាក់ត្រូវបានបញ្ជាក់ថាស្លាប់ ខណៈកិច្ចខិតខំជួយសង្រ្គោះនៅកំពុងបន្ត សម្រាប់យានិក ២នាក់ទៀត ៕