ប្រធានគណៈកម្មាធិការសម្ព័ន្ធយោធា លោកឧត្តមនាវីឯកអ៊ីតាលី Giuseppe Cavo Dragone បានថ្លែងថា អង្គារណាតូមិនចូលរួមក្នុងប្រតិបត្តិការយោធានៅមជ្ឈិមបូព៌ាទេ។  

លោកបានជ្រើសរើសមិនប៉ាន់ស្មានថាតើជម្លោះនេះអាចមានរយៈពេលយូរប៉ុនណាទេ។ លោកបាននិយាយ នៅក្នុងបទសម្ភាសន៍ជាមួយកាសែត La Repubblica ថា៖«យើងនឹងឃើញពីរបៀបដែលសហរដ្ឋអាមេរិក និងអ៊ីស្រាអែលវាយតម្លៃលទ្ធផលដែលសម្រេចបាននៅលើសមរភូមិ។ ណាតូមិនចូលរួមក្នុងប្រតិបត្តិការយោធាទេ ហើយយើងមិនមានការវិភាគស៊ីជម្រៅដូចគ្នាអំពីស្ថានភាពជាក់លាក់ ដូចពួកគេទេ»។ យោងតាមប្រធានគណៈកម្មាធិការយោធាណាតូរូបនេះ ការធានាសន្តិសុខនៅច្រកសមុទ្រ Hormuz នៅតែជាកិច្ចការដ៏ស្មុកស្មញបំផុត ទោះបីជាអាចធ្វើទៅបានក៏ដោយ។

នាពេលមុននេះ អគ្គលេខាធិការណាតូ លោក Mark Rutte បានថ្លែងថា សម្ព័ន្ធយោធាអាត្លង់ទិកខាងជើងនេះ «គ្មានផែនការអ្វីទាំងអស់» ដើម្បីចូលរួមក្នុងប្រតិបត្តិការយោធារបស់សហរដ្ឋអាមេរិក និងអ៊ីស្រាអែលប្រឆាំងនឹងអ៊ីរ៉ង់ទេ៕