មនុស្សម្នាក់ ត្រូវបានសម្លាប់ ក្រោយការផ្ទុះជាច្រើនលើក ត្រូវបានឮនៅជុំវិញពិធីដង្ហែរក្បួនទិវា al-Quds ស្ថិតក្នុងរដ្ឋធានីតេអេរ៉ង់ ប្រទេសអ៊ីរ៉ង់ ជាទីដែលមនុស្សរាប់ម៉ឺននាក់ បានចូលរួមពិធីជួបជុំគ្នាប្រចាំឆ្នាំ ត្រូវបានរៀបចំឡើង ដើម្បីបង្ហាញសាមគ្គីភាពជាមួយជនប៉ាឡេស្ទីន ស្របពេលការវាយប្រហារនៅទូទាំងប្រទេសរបស់សហរដ្ឋអាមេរិក-អ៊ីស្រាអែល នៅតែបន្តក្នុងថ្ងៃទី ១៤នៃសង្រ្គាម ។

ទូរទស្សន៍រដ្ឋអ៊ីរ៉ង់រាយការណ៍ថា ការផ្ទុះដ៏ខ្លាំង អំឡុងពេលថ្ងៃត្រង់ ថ្ងៃសុក្រនេះ បានអង្រួនទីលានចតុរង្គទីក្រុងតេអេរ៉ង់ ពេញដោយក្រុមបាតុករដែលនៅទីនោះ សម្រាប់ព្រឹត្តការណ៍ប្រចាំឆ្នាំ ។

មូលហេតុនៃការផ្ទុះនៅទីលានចតុរង្គ Ferdowsi ពុំត្រូវបានដឹងច្បាស់ភ្លាមៗនោះទេ ប៉ុន្តែវាបានកើតមានឡើង ក្រោយអ៊ីស្រាអែលព្រមានពលរដ្ឋកុំឲ្យទៅទីនោះ ដោយសារពួកគេមានផែនការវាយប្រហារ ។

ទូរទស្សន៍រដ្ឋ Press TV រាយការណ៍ថា ស្រ្តីម្នាក់ ត្រូវបានសម្លាប់ ដោយសារអំបែងគ្រាប់ ស្របពេលការវាយប្រហាររបស់សហរដ្ឋអាមេរិក-អ៊ីស្រាអែល ប៉ុន្តែពួកគេពុំបានបញ្ជាក់ឲ្យបានលម្អិតនោះទេ ។

ខណៈពេលនោះដែរ កាសែត Al Jazeera រាយការណ៍ថា ការវាយប្រហារតាមច្រកអាកាសនៅចម្ងាយប៉ុន្មានម៉ែត្រប៉ុណ្ណោះ ពីទីកន្លែងជួបជុំគ្នារបស់ក្រុមបាតុករនៅក្នុងទីក្រុងតេអេរ៉ង់ ។ 

សារព័ត៌មានរដ្ឋរាយការណ៍ថា ហ្វូងមនុស្សបានចេញក្រៅនៅទីក្រុងតេអេរ៉ង់ និងទីក្រុងដទៃទៀត បើទោះបីជាមានការវាយប្រហារកំពុងបន្តរបស់សហរដ្ឋអាមេរិក និងអ៊ីស្រាអែលក៏ដោយ ៕