ប្រព័ន្ធផ្សព្វផ្សាយសហរដ្ឋអាមេរិកមួយបានរាយការណ៍ថា អ៊ីស្រាអែលបានផ្តល់ដំណឹងដល់សហរដ្ឋអាមេរិក ថា ខ្លួនជិតអស់ប្រព័ន្ធស្ទាក់ចាប់មីស៊ីលបាលីស្ទិក ខណៈការប្រយុទ្ធប្រឆាំងនឹងអ៊ីរ៉ង់នៅតែបន្ត។

គេហទំព័រ Semafor បានចេញផ្សាយព័ត៌មាននេះកាលពីចុងសប្តាហ៍កន្លងទៅ ដោយដកស្រង់សម្តីមន្ត្រីអាមេរិក។ ប៉ុន្តែថ្លែងទៅកាន់អ្នកសារព័ត៌មាន រដ្ឋមន្ត្រីការបរទេសអ៊ីស្រាអែល លោក Gideon Sa'ar បានច្រានចោលរបាយការណ៍នេះ។

ទូរទស្សន៍ CNN បានរាយការណ៍ថា អ៊ីរ៉ង់បានបំពាក់កាន់តែច្រើនឡើងមីស៊ីលបាលីស្ទិករបស់ខ្លួនជាមួយនឹងគ្រាប់បែកចង្កោម។ សព្វាវុធទាំងនេះមានគ្រោះថ្នាក់ខ្លាំង ព្រោះវាបំបែកចេញគ្រាប់បែកតូចៗ។ ទូរទស្សន៍ CNN បាននិយាយបន្ថែមថា គ្រាប់បែកចង្កោម «បង្ហាញពីបញ្ហាប្រឈមថ្មីដ៏សំខាន់សម្រាប់ការការពារដែនអាកាសរបស់អ៊ីស្រាអែល»។

ទន្ទឹមនឹងនេះ យោធាអ៊ីស្រាអែលនិយាយថា ខ្លួនបានធ្វើការវាយឆ្មក់តាមអាកាសលើប្រទេសអ៊ីរ៉ង់កាលពីថ្ងៃអាទិត្យ ដោយវាយប្រហារលើទីតាំងបាញ់មីស៊ីលបាលីស្ទិក និងយានដ្រូន។ អ៊ីរ៉ង់ក៏បានបើកការវាយប្រហារដោយមីស៊ីលលើអ៊ីស្រាអែលវិញផងដែរ។