រដ្ឋមន្ត្រីការបរទេសសាធារណរដ្ឋឥស្លាមលោក Abbas Araghchi បានព្រមានថា អ៊ីរ៉ង់នឹងបន្តប្រយុទ្ធ រហូតដល់ប្រធានាធិបតីអាមេរិក ដូណាល់ ត្រាំ ( Donald Trump) ដឹងថា សង្គ្រាមរបស់សហរដ្ឋអាមេរិកលើប្រទេសនេះ គឺខុសទាំងស្រុង។  

លោក Araghchi បានសរសេរនៅក្នុងសារមួយនៅលើប្រព័ន្ធផ្សព្វផ្សាយសង្គម X ថា៖«កងកម្លាំងប្រដាប់អាវុធដ៏មានឥទ្ធិពលរបស់យើង នឹងបន្តវាយប្រហារ រហូតដល់ប្រធានាធិបតីអាមេរិកដឹងថា សង្គ្រាមខុសច្បាប់ដែលលោកកំពុងដាក់លើទាំងជនជាតិអាមេរិក និងអ៊ីរ៉ង់ គឺខុស ហើយមិនត្រូវធ្វើម្តងទៀតឡើយ។ ជនរងគ្រោះ ក៏ត្រូវតែទទួលបានសំណងផងដែរ»។

នាពេលមុននេះ ប្រមុខការទូតអ៊ីរ៉ង់រូបនេះ បានថ្លែងនៅក្នុងបទសម្ភាសន៍ជាមួយទស្សន៍អាមេរិក CBS ថា ទីក្រុងតេអេរ៉ង់ មិនឃើញ «ហេតុផលណាមួយ» ដែលខ្លួនគួរនិយាយជាមួយទីក្រុងវ៉ាស៊ីនតោនទេ ហើយថា ខ្លួនមិនដែលស្វែងរកការចរចាឡើយ៕