គណៈប្រតិភូពាណិជ្ជកម្មសហរដ្ឋអាមេរិកដឹកនាំដោយលោក Scott Bessent រដ្ឋមន្ត្រីក្រសួងរតនាគារ និងលោក Jamieson Greer តំណាងពាណិជ្ជកម្ម បានបញ្ចប់ការចរចារយៈពេលពីរថ្ងៃជាមួយសមភាគីចិននៅទីក្រុងប៉ារីស ប្រទេសបារាំង កាលពីថ្ងៃចន្ទ១៦មីនាដើមសប្ដាហ៍នេះ។

លោក Bessent បានហៅកិច្ចប្រជុំនោះថា"ល្អណាស់"នៅក្នុងអំណានជាផ្លូវការលើកដំបូងរបស់អាមេរិក។

គណៈប្រតិភូបានជួបជាមួយឧបនាយករដ្ឋមន្ត្រីចិនលោក ហ៊ើ លីហ្វឹង (He Lifeng) និងប្រធានអ្នកចរចាពាណិជ្ជកម្ម លោក Li Chenggang។ ក្រុមមន្ត្រីអាមេរិកត្រូវបានគេរាយការណ៍ថាបានជំរុញឱ្យទីក្រុងប៉េកាំងបង្កើនការនាំចូលយន្តហោះ Boeing និងធ្យូងថ្ម ប្រេង និងឧស្ម័នធម្មជាតិរបស់អាមេរិក។

ការចរចាជុំថ្មីនេះនៅទីក្រុងប៉ារីស ធ្វើឡើងបន្ទាប់ពីការពិភាក្សាកាលពីកន្លងទៅនៅទីក្រុងហ្សឺណែវ ទីក្រុងឡុងដ៍្រ ទីក្រុងស្តុកខូម ទីក្រុងម៉ាឌ្រីដ និងទីក្រុងគូឡាឡាំពួរ ក្នុងគោលបំណងធ្វើឱ្យទំនាក់ទំនងទ្វេភាគីមានស្ថិរភាពបន្ទាប់ពីការកើនឡើងតម្លៃពន្ធកាលពីឆ្នាំមុន។

ការចរចាពាណិជ្ជកម្មជាបន្តបន្ទាប់ ក៏ត្រូវបានធ្វើឡើងដើម្បីរៀបចំសម្រាប់ដំណើរទស្សនកិច្ចដែលបានគ្រោងទុករបស់លោកប្រធានាធិបតី Trump ទៅកាន់ទីក្រុងប៉េកាំងនៅចុងខែមីនា និងប្រឆាំងភាពតានតឹងកើតចេញពីសង្គ្រាមអ៊ីរ៉ង់ដែលនៅតែបន្តផងដែរ។យ៉ាងណា ជំនួបកំពូលនេះហាក់មិនច្បាស់លាស់ក្រោយលោក Trump ថា ដំណើររបស់លោកទៅកាន់ចិនអាចពន្យារពេល។

លោក ហ៊ើ ថា ប្រទេសចិនរំពឹងថាសហរដ្ឋអាមេរិកនឹងដើរក្នុងទិសដៅដូចគ្នា អនុវត្តតាមការឯកភាពគ្នាដ៏សំខាន់ដែលសម្រេចបានដោយប្រមុខរដ្ឋទាំងពីរ ពង្រីកវិស័យសហប្រតិបត្តិការ និងកាត់បន្ថយបញ្ហា ដើម្បីលើកកម្ពស់ការអភិវឌ្ឍប្រកបដោយភាពរឹងមាំ ស្ថិរភាព និងចីរភាពនៃទំនាក់ទំនងសេដ្ឋកិច្ច និងពាណិជ្ជកម្មចិន-សហរដ្ឋអាមេរិក៕