ប្រទេសចិន កាលពីថ្ងៃចន្ទទី១៦មីនា សប្ដាហ៍នេះ បាននិយាយថាប្រេសិតពិសេសរបស់ខ្លួនបានចំណាយពេលមួយសប្ដាហ៍សម្របសសម្រួលរវាងអាហ្វហ្គានីស្ថាន និងប៉ាគីស្ថាន ហើយបានជំរុញឲ្យមានបទឈប់បាញ់យូបន្ទាន់មួយក្រោយការប៉ះទង្គិចគ្នាឆ្លងព្រំដែនដែនរវាងប្រទេសទាំងពីរ ក្រោយបានបញ្ជូនប្រេសិតពិសេសរបស់ខ្លួនឲ្យធ្វើការជាមួយប្រទេសទាំងពីរ។

ប្រទេសជិតខាងអាស៊ីខាងត្បូង ប៉ាគីស្ថាន និងអាហ្វហ្គានីស្ថាន បានធ្លាក់ក្នុងទំនាក់ទំនងជូរចត់រយៈពេលជាច្រើនខែ បន្ទាប់ពីមនុស្សជាច្រើន បានស្លាប់ ក្នុងការប្រយុទ្ធគ្នាកាលពីខែតុលាឆ្នាំមុន។

ទីក្រុង Islamabad បានចោទប្រកាន់អាហ្វហ្គានីស្ថានថាជាជម្រុកលាក់ខ្លួននៃក្រុមសកម្មប្រយុទ្ធមកពីក្រុម តាលីបង់ ប៉ាគីស្ថាន ដែលបានចេញមុខទទួលខុសត្រូវសម្រាប់ការវាយប្រហារជាបន្តបន្ទាប់ក្នុងការវាយប្រហារដ៏សាហាវក្នុងប្រទេសប៉ាគីស្ថានព្រមទាំងមកពីក្រុមសកម្មប្រយុទ្ធក្នុងស្រុក Daesh ។

ការចោទប្រកាន់នេះត្រូវបាន រដ្ឋាភិបាលក្រុមតាលីបង់របស់ប្រទេសអាហ្វហ្គានីស្ថានច្រានចោល។

ប៉ាគីស្ថាន គឺជាដៃគូមួយក្នុងចំណោមដៃគូជិតស្និទ្ធបំផិតជាច្រើនរបស់ចិនក្នុងតំបន់ ប៉ុន្តែទីក្រុងប៉េកាំងក៏បានហៅខ្លួនឯងថាជាប្រទេសជិតខាងល្អរបស់អាហ្វហ្គានីស្ថានផងដែរ។

អ្នកនាំពាក្យក្រសួងការបរទេសចិន លោក Lin Jian បានប្រាប់សន្និសីទសារព័ត៌មានប្រចាំថ្ងៃថា ប្រទេសចិនបានចូលខ្លួនសម្របសម្រួលឥតឈប់ឈរដើម្បីបញ្ចប់ជម្លោះរវាងអាហ្វហ្គានីស្ថាន និងប៉ាគីស្ថានតាមរយៈវិធីសាស្ត្ររបស់ខ្លួន។

រដ្ឋមន្ត្រីការបរទេសចិន លោក Wang Yi បានសន្ទនាតាមទូរស័ព្ទជាមួយលោក Mawlawi Amir Khan Muttaqi ប្រមុខការទូតអាហ្វហ្គានីស្ថានកាលពីថ្ងៃសុកសប្ដាហ៍មុន អំឡុងលោកបានសន្យាបន្តបង្កើតកិច្ចខិតខំប្រឹងដ៏សកម្មដើម្បីផ្សះផ្សាប្រទេសទាំងពីរនិងបន្ធូរបន្ថយភាពតានតឹង៕