រដ្ឋមន្ត្រីការបរទេសរុស្ស៊ី លោក សឺហ្គេ ឡាវរ៉ូវ (Sergey Lavrov) បាននិយាយថា ជាក់ស្តែង សហភាពអឺរ៉ុបចង់ឲ្យប្រទេសស៊ែរប៊ីចូលរួមក្នុងសង្គ្រាមរបស់ខ្លួនលើរុស្ស៊ី ជាលក្ខខណ្ឌចាំបាច់សម្រាប់ការធ្វើសមាហរណកម្មអឺរ៉ុប។  

យោងតាមប្រមុខការទូតរុស្ស៊ីរូបនេះ នៅក្នុងបរិបទនៃការខិតខំប្រឹងប្រែងរបស់ទីក្រុងប៊ែលក្រាដសម្រាប់ការធ្វើសមាហរណកម្មអឺរ៉ុប ទីក្រុងមូស្គូសួរថា តើខ្លួនមានគម្រោងធ្វើអ្វីជាមួយនឹងឱសានវាទពីរពីទីក្រុង   ប្រ៊ុចសែល គឺត្រូវទទួលស្គាល់ឯករាជ្យភាពរបស់កូសូវ៉ូ និងភ្ជាប់ខ្លួនជាមួយគោលនយោបាយការបរទេស និងសន្តិសុខរបស់សហភាពអឺរ៉ុប រួមទាំងការចូលរួមទណ្ឌកម្មប្រឆាំងរុស្ស៊ី។

លោកបាននិយាយថា៖«បញ្ហានេះ នៅតែជាប្រធានបទមួយ ពីព្រោះរដ្ឋបាលទីក្រុងប្រ៊ុចសែលមិនអាចយល់បានថា ស៊ែរប៊ីស្ថិតក្នុងស្ថានភាពលំបាកមួយ ហើយខ្ញុំមិនមានការសង្ស័យទេថា ការទាមទាររបស់ទីក្រុងប្រ៊ុចសែលឲ្យស៊ែរប៊ីគាំទ្រយ៉ាងពេញលេញចំពោះគោលនយោបាយការបរទេសរបស់សហភាពអឺរ៉ុប ហើយសកម្មភាពក្នុងវិស័យសន្តិសុខ មានន័យថា ការចូលរួមសង្គ្រាមនៅអ៊ុយក្រែន»៕