ក្រុមហ៊ុន Gecko Robotics ដែលមានមូលដ្ឋាននៅទីក្រុង Pittsburgh របស់សហរដ្ឋអាមេរិក បានឲ្យដឹងថា ក្រុមហ៊ុនទទួលបានកិច្ចសន្យាតម្លៃ ៧១លានដុល្លារ ដើម្បីដាក់ពង្រាយមនុស្សយន្តឡើងជញ្ជាំង និងបញ្ញាសិប្បនិម្មិត (AI) នៅទូទាំងនាវាកងទ័ពជើងទឹកអាមេរិក នៅក្នុងកងនាវាតំបន់ប៉ាស៊ីហ្វិក ដែលនាយកប្រតិបត្តិ បានពិពណ៌នាថា ជាកិច្ចសន្យាតំហែទាំប្រភេទនេះទី១ ដែលត្រូវបានផ្តល់ឲ្យផលិតក្រុមហ៊ុនមនុស្សយន្ត។

មនុស្សយន្តរបស់ក្រុម Gecko ឡើងតាមតួនាវា វារឆ្លងកាត់ធុងវត្ថុធាតុដើមដ៏ធំ និងហោះឆ្លងកាត់កន្លែងចង្អៀត ដោយប្រមូលទិន្នន័យរចនាសម្ព័ន្ធ និងសម្ភារៈដែលផ្គត់ផ្គង់វេទិកាសូហ្វវែរ (Software) ដែលដំណើរការដោយ AI របស់ក្រុមហ៊ុន ដែលមានឈ្មោះថា Cantilever។

យោងតាមក្រុមហ៊ុនឯកជនមួយនេះ បានឲ្យដឹងថា ប្រព័ន្ធនេះអាចកំណត់អត្តសញ្ញាណការជួសជុលលឿនជាងមុនរហូតដល់ទៅ ៥០ដង និងត្រឹមត្រូវជាងការត្រួតពិនិត្យដោយដៃ។ ក្រុមហ៊ុនបានបន្ថែមថា ក្នុងការសិក្សាមួយ ការវាយតម្លៃដោយមនុស្សយន្តតែមួយ ចំពោះផ្ទៃប្រតិបត្តិការយន្តហោះ នៅលើនាវា បានជួយឲ្យលុបលំបាត់ការពន្យារពេលថែទាំដែលអាចកើតមានរយៈពេលជាង ៣ខែ។

កិច្ចព្រមព្រៀងនេះតំណាងឲ្យការកើនឡើងដ៏ធំនូវទំហំនៃបច្ចេកវិទ្យាមនុស្សយន្ត។ បច្ចុប្បន្ន ក្រុមហ៊ុន Gecko ដំណើរការក្រុមមនុស្សយន្តប្រហែល ២៥០គ្រឿង នៅទូទាំងអតិថិជនតាំងផ្នែកពាណិជ្ជកម្ម និងរដ្ឋាភិបាល ហើយមានគម្រោងផលិតពី ៥០ ទៅ ៦០គ្រឿងទៀត នៅឆ្នាំនេះ៕