រដ្ឋមន្រ្តីក្រសួងការពារជាតិម៉ាឡេស៊ីលោក Khaled Nordin និយាយថា នាវាកងទ័ពជើងទឹកសហរដ្ឋអាមេរិក ២គ្រឿង ដែលបានចូលចតកំពង់ផែ Khaled Nordin កាលពីចុងសប្តាហ៍កន្លងទៅ បានអនុវត្តតាមនីតិវិធីបង្កើតឡើងដោយម៉ាឡេស៊ី ។

ទោះបីជាមានការធានាយ៉ាងណាក្តី ក្រុមប្រឆាំង Perikatan Nasional បានអំពាវនាវឲ្យរដ្ឋាភិបាលសហព័ន្ធផ្តល់ការពន្យល់លម្អិតបន្ថែមលើវត្តមានរបស់នាវាកងទ័ពជើងទឹកសហរដ្ឋអាមេរិកលើដែនទឹកម៉ាឡេស៊ី ។

កាលពីថ្ងៃអាទិត្យកន្លងទៅ នាវាចម្បាំង ២គ្រឿងរបស់អាមេរិក ត្រូវបានគេប្រទះឃើញចូលចតនៅចំណតកុងតឺន័រ North Butterworth របស់កំពង់ផែ Penang ដែលមានចម្ងាយប្រហែល ៥.៦០០គ.មពីតំបន់ឈូងសមុទ្រពែរ្ស ក្នុងនោះ រូបថតសន្លឹករបស់នាវា ត្រូវបានចែកចាយយ៉ាងទូលំទូលាយនៅលើបណ្តាញព័ត៌មានសង្គម ។

នាវាចម្បាំងខ្នាតតូចទាំង ២គ្រឿងនេះ ត្រូវបានរចនាឡើងសម្រាប់ប្រតិបត្តិការនៅជិតតំបន់ឆ្នេរប៉ុណ្ណោះ ។ កាសែត Financial Times រាយការណ៍ថា នាវាចម្បាំង ២គ្រឿង គឺនាវា USS Tulsa និងនាវា USS Santa Barbara បានឈប់សំចតភស្តុភាររយៈពេលខ្លីនៅម៉ាឡេស៊ី ។

នាវាទាំង ២គ្រឿងនេះ ត្រូវបានគេរាយការណ៍ថា ត្រូវបានរៀបចំឡើងសម្រាប់ការងារបោសសម្អាតមីន ហើយកាលពីមុនបានដាក់ពង្រាយទៅកាន់តំបន់មជ្ឈិមបូព៌ា ក្រោយធ្វើដំណើរទៅដល់ប្រទេសបារ៉ែន ៕