រដ្ឋមន្ត្រីការបរទេសអារ៉ាប៊ីសាអ៊ូឌីត ព្រះអង្គម្ចាស់ Faisal bin Farhan Al Saud បានព្រមានអ៊ីរ៉ង់ថា ភាពអត់ធ្មត់ជុំវិញការវាយប្រហាររបស់អ៊ីរ៉ង់ទៅលើប្រទេសរបស់ព្រះអង្គ និងការវាយប្រហារនានាទៅលើរដ្ឋឈូងសមុទ្រដែលនៅជិតខាងមានដែនកំណត់ ដោយអំពាវនាវឱ្យទីក្រុងតេអេរ៉ង់ «ពិចារណាឡើងវិញ»ជាបន្ទាន់ពីយុទ្ធសាស្ត្ររបស់ខ្លួន ។

រដ្ឋមន្ត្រីការបរទេសបានថ្លែងក្នុងសន្និសីទសារព័ត៌មាននៅព្រឹកថ្ងៃព្រហស្បតិ៍នេះដោយព្រមានថា ប្រទេសអារ៉ាប៊ីសាអ៊ូឌីត និងរដ្ឋឈូងសមុទ្រផ្សេងទៀតមាន «សមត្ថភាពសំខាន់ៗ» ដែលអាចធ្វើបានប្រសិនបើអ៊ីរ៉ង់ «ជ្រើសរើសធ្វើដូច្នេះ» ហើយអ៊ីរ៉ង់បានរៀបចំផែនការយុទ្ធសាស្ត្ររបស់ខ្លួនយ៉ាងប្រុងប្រយ័ត្នសម្រាប់ការវាយប្រហារប្រទេសជិតខាងក្នុងតំបន់ ទោះបីជាមានការបដិសេធពីអ្នកការទូតរបស់ទីក្រុងតេអេរ៉ង់ ក៏ដោយ។

ព្រះអង្គម្ចាស់ Faisal បានថ្លែងថា «កម្រិតនៃភាពត្រឹមត្រូវនៅក្នុងការកំណត់គោលដៅមួយចំនួន អ្នកអាចមើលឃើញវានៅក្នុងប្រទេសជិតខាងរបស់យើង ខណៈព្រះរាជាណាចក្រមួយនេះ បង្ហាញថា នេះជាអ្វីដែលត្រូវបានគ្រោងទុកជាមុន រៀបចំទុកជាមុន និងគិតគូរយ៉ាងល្អ»។

ព្រះអង្គបានថ្លែងថា វាជារឿងសំខាន់សម្រាប់ពលរដ្ឋអ៊ីរ៉ង់ក្នុងការយល់ថា ព្រះរាជាណាចក្រមួយនេះ និងដៃគូរបស់ខ្លួនដែលរងការវាយប្រហារនិងហួសពីនេះ មានសមត្ថភាពសំខាន់ៗដែលពួកគេអាចយកមកអនុវត្តបាន ប្រសិនបើអ៊ីរ៉ង់ជ្រើសរើសធ្វើដូច្នេះ។ «ភាពអត់ធ្មត់ដែលកំពុងត្រូវបានបង្ហាញ ពុំមែនគ្មានដែនកំណត់នោះទេ ហើយសង្ឃឹមថាអ៊ីរ៉ង់យល់ពីសារនៃកិច្ចប្រជុំនៅថ្ងៃនេះ ហើយពិចារណាឡើងវិញយ៉ាងឆាប់រហ័ស និងឈប់វាយប្រហារប្រទេសជិតខាងខ្លួន។