នាយករដ្ឋមន្ត្រីហុងគ្រី លោក Viktor Orban បាននិយាយថា ក្នុងការប៉ុនប៉ងធ្វើឲ្យរដ្ឋាភិបាលហុងគ្រីចុះខ្សោយ និងនាំគណបក្សប្រឆាំង Tisza ឡើងកាន់អំណាច សហភាពអឺរ៉ុបកំពុងជ្រៀតជ្រែកជាចំហក្នុងកិច្ចការផ្ទៃក្នុងរបស់ប្រទេសនេះ ដោយសង្កត់ធ្ងន់ថា ក្រុមមេដឹកនាំសហភាពអឺរ៉ុបមិនលាក់បាំងចេតនារបស់ពួកគេឡើយ។

លោកបានប្រាប់សារព័ត៌មាន GB News ក្នុងបទសម្ភាសន៍មួយថា៖«នៅទីក្រុងប្រ៊ុចសែល ពុំមានបញ្ហាដែលថា មានគោលនយោបាយផ្លូវការមួយក្នុងការជួយគណបក្សមួយចំនួនដែលគាំទ្រអឺរ៉ុប ឬគាំទ្រសហភាពអឺរ៉ុប និងគាំទ្រទីក្រុងប្រ៊ុចសែល ហើយពួកគេក៏ផ្តល់ហិរញ្ញប្បទានដល់គណបក្សទាំងនោះផងដែរ។ ដូច្នេះ អង្គការស៊ីវិលទាំងអស់ដែលសកម្មនៅក្នុងប្រទេសហុងគ្រី អង្គការមិនមែនរដ្ឋាភិបាលដែលគាំទ្រគណបក្សប្រឆាំង គាំទ្រសហភាពអឺរ៉ុប បានទទួលហិរញ្ញប្បទានពីទីក្រុងប្រ៊ុចសែល ដែលនោះហើយ គឺជាការជ្រៀតជ្រែកដែលកំពុងកើតឡើង»៕