ក្រុមស្រ្តីនៅទីក្រុងតេអេរ៉ង់ កំពុងគាំទ្រសហគមន៍របស់ពួកគេ ដោយរៀបចំអាហារសម្រាប់ក្រុមជួយសង្រ្គោះ នៅទីតាំងវាយប្រហារនៅទូទាំងទីក្រុង ។

រូបភាពវីដេអូឃ្លីបរបស់ទីភ្នាក់ងារព័ត៌មាន WANA ឃើញពួកគេកំពុងធ្វើការនៅព្រះវិហារក្នុងស្រុកមួយកន្លែង កាលពីថ្ងៃពុធ ។

ស្រ្តី ១០-១២នាក់ បានជួបជុំគ្នានៅពេលព្រឹក ដើម្បីចម្អិនម្ហូប និងវេចខ្ចប់អាហារ មុនពេលចែកចាយទៅកាន់ក្រុមជួយសង្រ្គោះ ដែលកំពុងប្រតិបត្តិការនៅតំបន់រងផលប៉ះពាល់ ។

ក្រុមស្ម័គ្រចិត្តនិយាយថា ការងារនេះនឹងជួយទ្រទ្រង់ក្រុមជួយសង្រ្គោះ ដែលប្រឈមការងារលំបាករយៈពេលច្រើនម៉ោង ។

អ្នកស្រី Fatemeh ដែលជាអ្នកស្ម័គ្រចិត្តម្នាក់ និយាយថា វាមិនសំខាន់ថាតើត្រូវចំណាយពេលយូរបែបណាទេ ពួកយើងនឹងបន្តធ្វើអ្វីក៏ដោយឲ្យតែពួកយើងអាចធ្វើបាន ។

ក្រុមសិទ្ធិមនុស្សអ៊ីរ៉ង់ HRANAមានមូលដ្ឋាននៅសហរដ្ឋអាមេរិកនិយាយថា មនុស្សជាង ៣ពាន់នាក់ ត្រូវបានសម្លាប់ នៅអ៊ីរ៉ង់ ចាប់តាំងពីការវាយប្រហាររបស់សហរដ្ឋអាមេរិក-អ៊ីស្រាអែល ចាប់ផ្តើម ៕