ក្រុមអ្នកជំនាញមកពីក្រុមតាមដានឧតុនិយមជប៉ុន ប្រកាសនៅថ្ងៃព្រហស្បតិ៍នេះថា រដូវផ្ការីកសាគូរ៉ា ចាប់ផ្តើមជាផ្លូវការហើយនៅទីក្រុងតូក្យូ ។

ទីភ្នាក់ងារឧតុនិយមជប៉ុន រាប់ផ្ការីកចំនួន ៦១ នៅលើដើមផ្កាសាគូរ៉ា ស្ថិតនៅទីសក្ការៈបូជា Yasukuni ក្នុងរដ្ឋធានីរបស់ជប៉ុនមួយនេះ ហើយពួកគេបានប្រកាសផ្ការីកសាគូរ៉ាជាផ្លូវការនៅតំបន់នេះ ។

លោក Taira Toru វ័យ ៣០ឆ្នាំ ដែលជាភ្ញៀវមួយរូបមកលេងទីសក្ការៈបូជា Yasukuni និយាយថា ការចាប់ផ្តើមរដូវផ្ការីកសាគូរ៉ា បានផ្តល់ក្តីសង្ឃឹម អំឡុងពេលសង្រ្គាម ។ 

លោកថា វាគឺជាអ្វីមួយដែលកើតឡើងជារៀងរាល់ឆ្នាំ ប៉ុន្តែស្ថានភាពនៅអ៊ីរ៉ង់ឥឡូវនេះ ពិភពលោកកំពុងស្ថិតក្នុងភាពចលាចល ហើយពេលដែលរដូវផ្ការីកមកដល់ លោកពិតជាសង្ឃឹមថា សន្តិភាពនឹងកើតមានឡើងជាក់ជាពុំខាននោះឡើយ ។

ការប្រកាសក្នុងឆ្នាំនេះ បានកើតមានលឿនជាងឆ្នាំមុនរយៈពេល ៥ថ្ងៃ ។ ថ្ងៃទី ២៤ ខែមីនា គឺជាកាលបរិច្ឆេតជាមធ្យមនៃផ្ការីកសាគូរ៉ា នៅទីក្រុងតូក្យូ ចាប់តាំងពីទិន្នន័យត្រូវបានកត់ត្រា ចន្លោះឆ្នាំ ១៩៩១ និងឆ្នាំ ២០២០ ។

កាលបរិច្ឆេតលឿនបំផុតសម្រាប់ការចាប់ផ្តើមរដូវផ្ការីកសាគូរ៉ានៅទីក្រុងតូក្យូ គឺនៅថ្ងៃទី ១៤ ខែមីនា ឆ្នាំ ២០២៣ ហើយកាលបរិច្ឆេតយឺតបំផុត គឺនៅឆ្នាំ ១៩៨៤ ពេលដែលផ្កាសាគូរ៉ាដំបូងពុំបានរីក រហូតដល់ថ្ងៃទី ១១ ខែមេសា ៕