នាយករដ្ឋមន្រ្តីអ៊ីស្រាអែលលោក Benjamin Netanyahu បានធ្វើបច្ចុប្បន្នភាពស្ថានភាពនៅទីក្រុង Arad ក្រោយការវាយប្រហារមីស៊ីលអ៊ីរ៉ង់លើទីក្រុងនភាគខាងត្បូងអ៊ីស្រាអែលមួយនេះ កាលពីថ្ងៃសៅរ៍ ។

លោក Netanyahu បានចុះផ្សាយសេចក្តីថ្លែងការណ៍ជាលាយលក្ខណ៍អក្សរមួយ បន្ទាប់ពីការវាយប្រហារនោះ ដោយរូបលោកនិយាយថា វាគឺល្ងាចដ៏លំបាកខ្លាំងមួយ នៅក្នុងយុទ្ធនាការសម្រាប់អនាគតរបស់ពួកយើង ហើយលោកថា ពួកយើងបានប្តេជ្ញាចិត្ត បន្តវាយប្រហារសត្រូវរបស់ពួកយើងគ្រប់ជួរមុខទាំងអស់ ។

ក្រុមជួយសង្រ្គោះបន្ទាន់ បានប្រញាប់ប្រញាល់ទៅកាន់កន្លែងកើតហេតុ នៃកាវាយប្រហារមីស៊ីលអ៊ីរ៉ង់ ដែលបណ្តាលឲ្យមនុស្សរាប់សិបនាក់ រងរបួសនៅទីក្រុងភាគខាងត្បូង Arad របស់អ៊ីស្រាអែលកាលពីយប់ថ្ងៃសៅរ៍ ។

សេវាកម្មរថយន្តគិលានសង្រ្គោះ MDA របស់អ៊ីស្រាអែល និយាយនៅក្នុងសេចក្តីថ្លែងការណ៍ជាលាយលក្ខណ៍អក្សរថា មនុស្សរងរបួស ៧៥នាក់ ត្រូវបានជម្លៀសចេញពីកន្លែងកើតហេតុ ក្នុងនោះ មនុស្ស ១០នាក់ចំណោមពួកគេ ស្ថិតក្នុងស្ថានភាពធ្ងន់ធ្ងរ មនុស្ស ១៣នាក់ ស្ថិតក្នុងស្ថានភាពល្មម និងមនុស្ស ៤៨នាក់ ស្ថិតក្នុងស្ថានភាពស្រាល ។

បច្ចុប្បន្ន ក្រុមនគរបាល ក្រុមភ្នាក់ងារពន្លត់អគ្គិភ័យ និងកទ័ពអ៊ីស្រាអែល កំពុងស្វែងរកនៅក្នុងអគារ សម្រាប់មនុស្សបាត់ខ្លួន ៕