អ្នកនាំពាក្យវិមានក្រឹមឡាំង លោក Dmitry Peskov បាននិយាយកាលពីថ្ងៃអាទិត្យថា ការធ្វើឃាតមេដឹកនាំអ៊ីរ៉ង់ នឹងមានផលវិបាកដ៏ធ្ងន់ធ្ងរ។ 

លោក Peskov បានប្រាប់អ្នកយកព័ត៌មានជាន់ខ្ពស់ម្នាក់របស់ទូរទស្សន៍រដ្ឋរុស្ស៊ី គឺលោក Pavel Zarubin ខណៈពេលកំពុងធ្វើអត្ថាធិប្បាយអំពីការធ្វើឃាតទាំងនោះថា៖«ក្នុងករណីណាក៏ដោយ នេះគឺជាស្ថានភាពមិនប្រក្រតីដែលមាន ហើយនឹងបន្តមានផលវិបាករយៈពេលយូរ។ ពុំមែនគ្មានផលវិបាកនោះទេ»។

លោក Peskov បាននិយាយថា សកម្មភាពបែបនេះ នាំទៅរកសាមគ្គីភាពកាន់តែខ្លាំងឡើងក្នុងចំណោមប្រជាជនអ៊ីរ៉ង់ជុំវិញថ្នាក់ដឹកនាំរបស់ពួកគេ។

នៅថ្ងៃទី ២៨ ខែកុម្ភៈ សហរដ្ឋអាមេរិក និងអ៊ីស្រាអែល បានចាប់ផ្តើមការវាយប្រហារតាមអាកាសរួមគ្នាលើទីក្រុងតេអេរ៉ង់ និងទីក្រុងអ៊ីរ៉ង់ជាច្រើនទៀត ដោយបានសម្លាប់មេដឹកនាំកំពូលអ៊ីរ៉ង់ លោក Ayatollah Ali Khamenei រួមជាមួយមេបញ្ជាការយោធាជាន់ខ្ពស់ និងជនស៊ីវិល។ អ៊ីរ៉ង់បានឆ្លើយតបដោយការវាយប្រហារដោយមីស៊ីល និងយានដ្រូនដែលកំណត់គោលដៅមូលដ្ឋាន និងគ្រឿងយុទ្ធោបករណ៍របស់អ៊ីស្រាអែល និងសហរដ្ឋអាមេរិក នៅមជ្ឈិមបូព៌ា៕