រដ្ឋមន្ត្រីការបរទេសអ៊ីរ៉ង់ លោក Abbas Araghchi បាននិយាយនៅក្នុងបទសម្ភាសន៍ជាមួយទីភ្នាក់ងារសារព័ត៌មាន Kyodoថា ទីក្រុងតេអេរ៉ង់ «ត្រៀមខ្លួនរួចជាស្រេច ដើម្បីអនុញ្ញាតឲ្យនាវាដែលមានទំនាក់ទំនង ជាមួយជប៉ុនឆ្លងកាត់ច្រកសមុទ្រហ័រមូស បន្ទាប់ពីការពិគ្រោះយោបល់សមស្របជាមួយទីក្រុងតូក្យូ។ 

លោកបាននិយាយថា៖«យើងមិនទាន់បានបិទច្រកសមុទ្រនេះទេ។ ច្រកនេះ នៅបើកចំហ»។ ទីភ្នាក់ងារនេះ បានឲ្យដឹងថា លោក Araghchi បានកត់សម្គាល់ថា ការពិគ្រោះយោបល់ជាមួយទីក្រុងតូក្យូទាក់ទងនឹងការឆ្លងកាត់របស់នាវានាវាដែលមានទំនាក់ទំនងជាមួយជប៉ុនឆ្លងកាត់ច្រកសមុទ្រហ័រមូស បានចាប់ផ្តើមរួចហើយ។ 

មន្ត្រីអ៊ីរ៉ង់បាននិយាយនាពេលថ្មីៗនេះថា ពួកគេនឹងមិនអនុញ្ញាតឲ្យទំនិញប្រេងណាមួយដែលទាក់ទងនឹងសហរដ្ឋអាមេរិក និងសម្ព័ន្ធមិត្តរបស់ខ្លួនឆ្លងកាត់ច្រកសមុទ្រហ័រមូសឡើយ។

ទីក្រុងតូក្យូជាប្រពៃណីរក្សាទំនាក់ទំនងមិត្តភាពជាមួយទីក្រុងតេអេរ៉ង់។ ទោះជាយ៉ាងណាក៏ដោយ អាជ្ញាធរជប៉ុនតែងតែជៀសវាងការវាយតម្លៃដោយផ្ទាល់ចំពោះការវាយប្រហាររបស់សហរដ្ឋអាមេរិក និងអ៊ីស្រា  អែលលើអ៊ីរ៉ង់។ ជាផ្លូវការ ពួកគេគ្រាន់តែបង្ហាញពីជំហររបស់ពួកគេលើភាពមិនអាចទទួលយកបាននៃសាធារណរដ្ឋឥស្លាមដែលកំពុងអភិវឌ្ឍន៍អាវុធនុយក្លេអ៊ែរ និងអំពាវនាវឲ្យមានដំណោះស្រាយការទូត។ ក្រុមមេដឹកនាំជប៉ុន បានរិះគន់អ៊ីរ៉ង់ចំពោះការវាយប្រហារសងសឹករបស់ខ្លួនលើរដ្ឋឈូងសមុទ្រពែក្ស។

ប្រទេសជប៉ុនទទួលបានប្រេងប្រហែល ៩៥% របស់ខ្លួនពីបណ្តាប្រទេសនៅមជ្ឈិមបូព៌ា ដោយការផ្គត់ផ្គង់ភាគច្រើនឆ្លងកាត់ច្រកសមុទ្រហ័រមូស៕