រដ្ឋមន្ត្រីការបរទេសប៉ាគីស្ថាន បាននិយាយនៅថ្ងៃចន្ទនេះថា ប្រទេសនេះ នៅតែប្តេជ្ញាចិត្ត «លុបបំបាត់ការគំរាមកំហែងនៃអំពើភេរវកម្ម» ខណៈដែលបទឈប់បាញ់បណ្ដោះអាសន្នជាមួយអាហ្វហ្គានីស្ថាន ជិតចប់ហើយនោះ។

កាលពីថ្ងៃពុធសប្តាហ៍មុន ប្រទេសទាំងពីរបានប្រកាសបញ្ឈប់អរិភាពជាច្រើនសប្តាហ៍សម្រាប់ថ្ងៃបុណ្យ Eid Al-Fitr ដែលជាចុងបញ្ចប់នៃបុណ្យរ៉ាម៉ាឌន ដោយយល់ព្រមលើបទឈប់បាញ់បណ្ដោះអាសន្ន រហូតដល់ពាក់កណ្តាលអធ្រាត្រថ្ងៃចន្ទនេះ។

ប៉ុន្តែនៅក្នុងសារមួយ ដើម្បីប្រារព្ធទិវាប៉ាគីស្ថាន ដែលជាថ្ងៃឈប់សម្រាកជាតិ រដ្ឋមន្ត្រីការបរទេស លោកIshaq Dar បានបង្ហាញថា វិធីសាស្រ្តរបស់ប្រទេសចំពោះជម្លោះនេះ មិនបានផ្លាស់ប្តូរទេ។

លោកបាននិយាយនៅក្នុងសេចក្តីថ្លែងការណ៍មួយថា៖«ប៉ាគីស្ថាននៅតែប្តេជ្ញាចិត្តយ៉ាងមុតមាំក្នុងការលុបបំបាត់ការគំរាមកំហែងនៃអំពើភេរវកម្ម»។ «សកម្មភាពរបស់ប៉ាគីស្ថាននៅក្នុងប្រទេសអាហ្វហ្គានីស្ថាន... ត្រូវបានដឹកនាំឆ្ពោះទៅរកគោលដៅនេះ»។

កាលពីថ្ងៃអាទិត្យ រដ្ឋាភិបាលតាលីបង់ និងប្រភពវេជ្ជសាស្ត្រ បាននិយាយថា មនុស្សម្នាក់ ត្រូវបានសម្លាប់ដោយគ្រាប់កាំភ្លើងត្បាល់ដែលបាញ់ដោយប៉ាគីស្ថាន នៅក្នុងខេត្ត Kunar ព្រំដែនភាគខាងកើត៕