លោកប្រធានាធិបតី Prabowo Subianto បញ្ជាក់ថា ឥណ្ឌូនេស៊ីនឹងមិនបង់ប្រាក់ ១ពាន់លានដុល្លារដល់ក្រុមប្រឹក្សាសន្តិភាពរបស់ប្រធានាធិបតីសហរដ្ឋអាមេរិកលោក Donald Trump នោះឡើយ ដោយលោកធ្វើការសង្កត់ធ្ងន់ថា តួនាទីរបស់ទីក្រុងហ្សាកាតា គឺគាំទ្រផ្នែកថែរក្សាសន្តិភាពមានដែនកំណត់ប៉ុណ្ណោះ ។

លោក Prabowo និយាយនៅក្នុងកិច្ចសន្ទនាជាមួយក្រុមអ្នកសារព័ត៌មាន និងក្រុមអ្នកជំនាញថា ពួកគេនិយាយថា មាននូវសមាជិកភាព ២ប្រភេទ បើសិនជាចង់ក្លាយជាសមាជិកអចិន្រ្តៃយ៍ ឬសមាជិកបុព្វលាភ អ្នកត្រូវបានគេស្នើសុំឲ្យចូលរួមចំណែកប្រាក់ ១ពាន់លានដុល្លារ ។ ប៉ុន្តែលោកពុំដែលនិយាយថា ពួកយើងចង់បង់ប្រាក់ ១ពាន់លានដុល្លារនោះទេ ។

សេចក្តីអត្ថាធិប្បាយរបស់លោក Prabowo ត្រូវបានបង្ហោះនោះលើបណ្តាញ YouTube ផ្លូវការរបស់លោកជា ២ភាគ កាលពីថ្ងៃព្រហស្បតិ៍ និងថ្ងៃអាទិត្យ ។

សេចក្តីអត្ថាធិប្បាយនេះដែរ បានកើតមានឡើង ក្រោយរដ្ឋមន្រ្តីការបរទេសឥណ្ឌូនេស៊ីលោក Sugiono បញ្ជាក់ដាច់ដោយឡែកកាលពីថ្ងៃទី ៣ ខែកុម្ភៈថា សមាជិកក្រុមប្រឹក្សាសន្តិភាព ពុំត្រូវបានតម្រូវឲ្យរួមចំណែកប្រាក់ ១ពាន់លានដុល្លារនោះទេ បើទោះបីជារូបលោកពុំបានបញ្ជាក់ថាតើ ឥណ្ឌូនេស៊ីចុងក្រោយនឹងផ្តល់ការគាំទ្រហិរញ្ញវត្ថុឬយ៉ាងណានោះ ៕