លោកស្រី Cheng Li-wun មេដឹកនាំគណបក្ស KMT របស់កោះតៃវ៉ាន់ បាននិយាយថា ការកែលម្អទំនាក់ទំនងជាមួយប្រទេសចិនមិនមានន័យថាប្រឆាំងនឹងសហរដ្ឋអាមេរិកទេ ដោយសង្កត់ធ្ងន់លើតម្រូវការសម្រាប់ទំនាក់ទំនងឆ្លងច្រកសមុទ្រដែលមានស្ថិរភាព ស្របពេលមានភាពតានតឹងនយោបាយកើនឡើង។

ជំហររបស់បក្សប្រឆាំងនេះ បានទាក់ទាញការរិះគន់ពីមេដឹកនាំបក្សប្រជធិបតេយ្យជឿនលឿន(DPP)របស់កោះតៃវ៉ាន់ លោក Lai Ching-te ដែលបានចោទប្រកាន់គណបក្សនេះ ថាបានធ្វើឲ្យប៉ះពាល់ដល់អធិបតេយ្យភាពរបស់កោះតៃវ៉ាន់ និងងាកទៅរកការគាំទ្រកាន់តែខ្លាំងជាមួយក្រុងប៉េកាំង។

គណបក្សប្រឆាំងសំខាន់របស់តំបន់តៃវ៉ាន់និយាយថា ការកែលម្អទំនាក់ទំនងជាមួយប្រទេសចិនមិនតម្រូវឱ្យមានការងាកមកប្រឆាំងនឹងសហរដ្ឋអាមេរិកទេ ខណៈការបែកបាក់នយោបាយកាន់តែធ្ងន់ធ្ងរឡើងលើទិសដៅអនាគតរបស់កោះនេះ។លោកស្រី Cheng Li-wun ប្រធានគណបក្ស Kuomintang ដែលទើបជាប់ឆ្នោតថ្មី បាននិយាយថា គណបក្សនៅតែប្តេជ្ញាចិត្តចំពោះទំនាក់ទំនងរឹងមាំជាមួយទីក្រុងវ៉ាស៊ីនតោន ខណៈក៏កំពុងស្វែងរកការចូលរួមដែលមានស្ថិរភាពជាមួយទីក្រុងប៉េកាំងផងដែរ។

ថ្លែងនៅឯក្លឹបអ្នកឆ្លើយឆ្លងព័ត៌មានបរទេសកោះតៃវ៉ាន់ លោកស្រី Cheng បានបដិសេធគំនិតដែលថា ទំនាក់ទំនងជិតស្និទ្ធជាមួយប្រទេសចិននឹងធ្វើឱ្យទំនាក់ទំនងរបស់កោះតៃវ៉ាន់ជាមួយសហរដ្ឋអាមេរិកចុះខ្សោយ។លោកស្រីនិយាយថា គណបក្ស KMT បានរក្សាទំនាក់ទំនងល្អជាមួយទីក្រុងវ៉ាស៊ីនតោនជាយូរមកហើយ ហើយបន្តគាំទ្រការទិញអាវុធពីអាមេរិក ទោះកិច្ចព្រមព្រៀងបែបនេះត្រូវតែវាយតម្លៃដោយប្រុងប្រយ័ត្នក៏ដោយ។លោកស្រីថា មិនមានភាពផ្ទុយគ្នាទេ ដោយសួរថាហេតុអ្វីបានជាការកែលម្អទំនាក់ទំនងជាមួយចិនដីគោកគួរតែត្រូវបានមើលឃើញថាជាការកាត់បន្ថយការគាំទ្រដល់អាមេរិក៕