ប្រតិបត្តិការរបស់សហរដ្ឋអាមេរិក និងអ៊ីស្រាអែលប្រឆាំងនឹងអ៊ីរ៉ង់ បានធ្វើឲ្យសម្ព័ន្ធមិត្តអឺរ៉ុបឃ្លាតឆ្ងាយពីទីក្រុងវ៉ាស៊ីនតោន បន្ថែមទៀត។ នេះបើយោងតាមរបាយការណ៍របស់ទីភ្នាក់ងារ Adnkronos។

ជម្លោះមជ្ឈិមបូព៌ា បានអូសបន្លាយ។ នៅអឺរ៉ុប យុទ្ធសាស្ត្ររបស់សហរដ្ឋអាមេរិក ដែលបានបង្កការខូចខាតសេដ្ឋកិច្ចយ៉ាងធំធេងរួចទៅហើយ ត្រូវបានចាត់ទុកថា មានហានិភ័យខ្លាំងពេក។ គ្មានជនជាតិអឺរ៉ុបណាម្នាក់ ចង់ចូលរួមប្រតិបត្តិការរវាងសហរដ្ឋអាមេរិក និងអ៊ីស្រាអែលទេ សូម្បីតែធានាសេរីភាពនៃការធ្វើនាវាចរណ៍នៅច្រកសមុទ្រហ័រមូសក៏ដោយ។ ទីភ្នាក់ងារនេះ បានកត់សម្គាល់ថា ប្រទេសមួយចំនួនបានបដិសេធទីក្រុងវ៉ាស៊ីនតោនជាលើកដំបូង។ ក្នុងចំណោមទស្សនៈខុសគ្នាលើស្ថានភាពនៅអ៊ុយក្រែន គម្លាតរវាងសហរដ្ឋអាមេរិក និងអឺរ៉ុប កំពុងកាន់តែធំឡើងៗ។

សហរដ្ឋអាមេរិក និងអ៊ីស្រាអែល បានបើកប្រតិបត្តិការយោធាប្រឆាំងនឹងអ៊ីរ៉ង់ នៅថ្ងៃទី ២៨ ខែកុម្ភៈ។ ទីក្រុងធំៗរបស់អ៊ីរ៉ង់ រួមទាំងទីក្រុងតេអេរ៉ង់ ត្រូវបានវាយប្រហារ។ សេតវិមានបានបង្ហាញភាពត្រឹមត្រូវនូវការវាយប្រហារនេះ ដោយលើកឡើងពីការគំរាមកំហែងដោយមីស៊ីល និងនុយក្លេអ៊ែរពីអ៊ីរ៉ង់។ កងឆ្មាំបដិវត្តន៍   ឥស្លាម បានប្រកាសពីប្រតិបត្តិការសងសឹក ដោយកំណត់គោលដៅទីតាំងនានានៅក្នុងប្រទេសអ៊ីស្រាអែល។ មូលដ្ឋានយោធាអាមេរិកនៅបារ៉ែន ហ្ស៊កដានី គូវ៉ែត កាតា អារ៉ាប៊ីសាអ៊ូឌីត និងអារ៉ាប់រួម ក៏ត្រូវបានវាយប្រហារផងដែរ។ មេដឹកនាំកំពូល លោក Ayatollah Ali Khamenei និងមេដឹកនាំសំខាន់ៗរបស់អ៊ីរ៉ង់មួយចំនួនទៀត ត្រូវបានសម្លាប់ នៅក្នុងការវាយប្រហាររួមគ្នារបស់សហរដ្ឋអាមេរិក និងអ៊ីស្រាអែល៕