ក្រសួងកំពង់ផែ ដឹកជញ្ជូន និងផ្លូវទឹកឥណ្ឌា បានប្រាប់អ្នកយកព័ត៌មានថា នាវាដឹកប្រេងពីរគ្រឿងដែលមានទង់ជាតិឥណ្ឌា និងមានឧស្ម័នប្រេងរាវ (LPG) នៅលើនាវាទាំងនោះ បានឆ្លងកាត់ច្រកសមុទ្រហ័រមូស ហើយកំពុងធ្វើដំណើរទៅកាន់ប្រទេសឥណ្ឌា។ 

ក្រសួងបាននិយាយថា៖«នាវាដឹកឧស្ម័ន LPG មានទង់ជាតិឥណ្ឌាពីរគ្រឿងគឺ Jag Vasant និង Pine Gas ដែលដឹកឧស្ម័ន LPG ចំនួន ៩២,៦១២.៥៩ តោន បានឆ្លងកាត់ច្រកសមុទ្រហ័រមូស កាលពីល្ងាចថ្ងៃចន្ទ។ ក្រសួងបានកត់សម្គាល់ថា៖«នាវាមួយគ្រឿង មាននាវិកឥណ្ឌាចំនួន ៣៣នាក់ និងនាវាមួយគ្រឿងទៀត មាន ២៧នាក់»។

ក្រសួងបានបន្ថែមថា នាវាទាំងនេះ មានគោលដៅទៅកាន់ប្រទេសឥណ្ឌា ហើយត្រូវបានគេរំពឹងថា នឹងទៅដល់កំពង់ផែនានា ក្នុងប្រទេសនេះ រវាងថ្ងៃទី ២៦ និង ២៨ ខែមីនា»។

ក្រសួងបានជូនដំណឹងពីមុនថា យ៉ាងហោចណាស់មាននាវាចំនួន ២២គ្រឿង ដែលមានទង់ជាតិឥណ្ឌាស្ថិតនៅក្នុងតំបន់ហ័រមូស។ រដ្ឋាភិបាលឥណ្ឌាបានកំណត់អត្តសញ្ញាណនាវាចំនួន ២០គ្រឿង ក្នុងចំណោមនាវាទាំងនោះថា មានសារៈសំខាន់សម្រាប់សន្តិសុខថាមពលជាតិ ហើយកំពុងធ្វើការពិភាក្សាអំពីការធ្វើដំណើរដោយសុវត្ថិភាពរបស់ពួកគេ៕