បុគ្គលិករដ្ឋ គ្រូបង្រៀន និងសមាជិកសហជីព បានចេញតវ៉ានៅទីក្រុង Caracas ភាគកណ្តាលកាលពីថ្ងៃចន្ទ ទី២៣ ខែមីនា ដោយទាមទារឱ្យមានប្រាក់ឈ្នួលជាមូលដ្ឋានខ្ពស់ជាងមុន ការគោរពកិច្ចព្រមព្រៀងដែលបានចរចារួម និងការបញ្ចប់គោលនយោបាយប្រាក់លើកទឹកចិត្តដែលមិនប៉ះពាល់ដល់ប្រាក់ខែ ខណៈការដង្ហែក្បួនគាំទ្ររដ្ឋាភិបាលដាច់ដោយឡែកមួយ បានអំពាវនាវឱ្យមានការដកទណ្ឌកម្មរបស់សហរដ្ឋអាមេរិកលើប្រទេសវ៉េណេស៊ុយអេឡា។

គ្រូបង្រៀន និងបុគ្គលិករដ្ឋ បានស្រែកពាក្យស្លោក វាយឆ្នាំង និងប្រឈមមុខជាមួយអ្នកគាំទ្ររដ្ឋាភិបាល ដោយសមាជិកនគរបាលជាតិបូលីវ៉ា បានដាក់ទីតាំងនៅចន្លោះក្រុមទាំងពីរ។ ក្រុមអ្នកតវ៉ា មិនអាចបន្តការហែរក្បួនរបស់ពួកគេបានទេ បន្ទាប់ពីត្រូវបានស្ទាក់ដោយអ្នកគាំទ្ររដ្ឋាភិបាល។

មេដឹកនាំសហជីព លោក Griselda Sanchez បាននិយាយថា បុគ្គលិកពុំបានឃើញអត្ថប្រយោជន៍នៃធនធានសាធារណៈទេ ហើយបានទាមទារឱ្យប្រធានាធិបតីស្តីទីវ៉េណេស៊ុយអេឡា លោកស្រី Delcy Rodriguez ថ្លែងជាសាធារណៈលើបញ្ហាប្រាក់ឈ្នួល។

គ្រូបង្រៀនម្នាក់បាននិយាយថា បុគ្គលិក និងអ្នកចូលនិវត្តន៍កំពុងទប់ទល់ទៅនឹងភាពអត់ឃ្លាន ពុំមានលទ្ធភាពទិញឱសថជាមូលដ្ឋានទេ ហើយការតវ៉ានេះមានបំណងស្វែងរកយុត្តិធម៌ជាជាងការប្រឈមមុខដាក់គ្នា។