កាលពីថ្ងៃចន្ទ (ទី២៣ ខែមីនា ឆ្នាំ២០២៦) លោកប្រធានាធិបតី Volodymyr Zelenskiy បាននិយាយថា ចារកម្មអ៊ុយក្រែន ជឿថា កងកម្លាំងរុស្ស៊ីកំពុងរៀបចំ សម្រាប់ការវាយប្រហារទ្រង់ទ្រាយធំថ្មីដែលជិតកើតមានហើយ លើប្រទេសរបស់លោក។

លោក Zelenskiy ដែលបាននិយាយនៅក្នុងសុន្ទរកថាវីដេអូពេលយប់របស់លោក បានលើកឡើងថា ការវាយប្រហារថ្មីនេះ អាចនឹងកើតឡើងនៅថ្ងៃចន្ទ ប៉ុន្តែមិនបានផ្តល់ព័ត៌មានលម្អិតបន្ថែម អំពីពេលវេលា ឬគោលដៅដែលអាចកើតមាននោះឡើយ។

លោកបាននិយាយថា៖ «សូមយកចិត្តទុកដាក់ ចំពោះការជូនដំណឹងអំពីការវាយឆ្មក់តាមអាកាស នៅថ្ងៃនេះ (ថ្ងៃចន្ទ)។ ចារកម្ម បង្ហាញថា រុស្ស៊ីអាចនឹងកំពុងរៀបចំ សម្រាប់ការវាយប្រហារទ្រង់ទ្រាយធំ។ «បទបញ្ជាពាក់ព័ន្ធ សម្រាប់ប្រព័ន្ធការពារដែនអាកាសត្រូវបានចេញរួចហើយ»។

កងកម្លាំងរុស្ស៊ីបានធ្វើការវាយប្រហារតាមអាកាសជាប្រចាំលើទីប្រជុំជន និងទីក្រុងនានារបស់អ៊ុយក្រែន ជាពិសេសនៅពេលយប់ និងរួមទាំងលើរដ្ឋធានីគីវផងដែរ។ ហេដ្ឋារចនាសម្ព័ន្ធថាមពល គឺជាគោលដៅវាយប្រហារម្ដងហើយម្ដងទៀត៕