និយតករទីផ្សាររបស់ចិន បានឲ្យដឹងនៅថ្ងៃអង្គារ (ទី២៤ ខែមីនា ឆ្នាំ២០២៦) នេះថា BMW ដែលជាក្រុមហ៊ុនផលិតរថយន្តអាល្លឺម៉ង់ នៅប្រទេសចិន នឹងប្រមូលរថយន្តជិត ១៨០.០០០គ្រឿងមកវិញ ដោយសារតែបញ្ហាខ្សែភ្លើងដែលអាចកើតមាននៅក្នុងម៉ាស៊ីនត្រជាក់ ដែលបង្កហានិភ័យមានអគ្គិភ័យ។

រដ្ឋបាលរដ្ឋ សម្រាប់បទប្បញ្ញត្តិទីផ្សារ (SAMR) បានឲ្យដឹងថា ការប្រមូលរថយន្តនេះ ដែលមានប្រសិទ្ធភាពភ្លាមៗ អនុវត្តចំពោះរថយន្ត ៥ស៊េរី (5 Series) ចំនួន ១៣៣.៨៤៩គ្រឿង ដែលផលិតក្នុងស្រុក រវាងថ្ងៃទី៥ ខែធ្នូ ឆ្នាំ២០២៣ និងថ្ងៃទី១២ ខែមេសា ឆ្នាំ២០២៥។

និយតករបានឲ្យដឹងថា ការប្រមូលនេះក៏រួមបញ្ចូលទាំងរថយន្តនាំចូល ៥ស៊េរី (5 Series) ៧ស៊េរី (7 Series) និងប្រភេទ M5 ចំនួន ៤៥.៦៧៨គ្រឿង ដែលត្រូវបានផលិត រវាងខែមិថុនា ឆ្នាំ២០២២ និងខែមេសា ឆ្នាំ២០២៥។

SAMR បានបញ្ជាក់ថា៖ «រថយន្តដែលស្ថិតនៅក្នុងការប្រមូលរថយន្តនេះ មានខ្សែភ្ជាប់ខ្សែភ្លើងម៉ាស៊ីនត្រជាក់កាប៊ីនខាងមុខ ដែលដោយសារតែខ្សែភ្លើងដំឡើងមិនត្រឹមត្រូវ អាចនឹងខូចខាត ក្នុងអំឡុងពេលប្ដូរតម្រងខ្យល់ ក្រោយពេលលក់។ ក្នុងករណីធ្ងន់ធ្ងរ បញ្ហានេះអាចបណ្តាលឲ្យមានការឆាបឆេះ»។

ក្រុមហ៊ុន BMW នឹងត្រួតពិនិត្យ និងជួសជុលខ្សែភ្លើងម៉ាស៊ីនត្រជាក់ឡើងវិញ សម្រាប់រថយន្តដែលត្រូវបានប្រមូលមកវិញ ដោយឥតគិតថ្លៃ៕