នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ កំពុងប្រជែងដើម្បីអនុម័តថវិការដ្ឋ និងបញ្ចៀសការបោះឆ្នោតមុនអាណត្តិដែលទំនងជាត្រូវបាត់បង់ ដោយសង្គ្រាមនៅអ៊ីរ៉ង់រហូតមកដល់ពេលនេះពុំបានធ្វើអ្វីច្រើនឲ្យប្រសើរដល់ជំហររបស់លោកក្នុងការបោះឆ្នោត។

នៅថ្ងៃដំបូងនៃសង្គ្រាម ក្រុមរបស់ លោក ណេតាន់យ៉ាហ៊ូ បានមើលឃើញឱកាសសម្រាប់ក្រុមចម្រុះស្តាំនិយមរបស់លោក ដើម្បីទាញយកប្រយោជន៍ពីការវាយប្រហារដែលបានសម្លាប់លោក Ayatollah Ali Khamenei ដោយរៀបចំការបោះឆ្នោតនៅមុនកាលបរិច្ឆេទនៅខែតុលា ដែលត្រូវបានរំពឹងទុក នេះបើយោងតាមប្រភពមួយដែលដឹងពីយុទ្ធសាស្ត្រនយោបាយរបស់ លោក ណេតាន់យ៉ាហ៊ូ។

ខណៈការវាយប្រហាររបស់សហរដ្ឋអាមេរិកនិងអ៊ីស្រាអែល បានសម្លាប់មន្ត្រីកំពូលៗរបស់អ៊ីរ៉ង់ជាច្រើនរូប មិត្តជិតស្និទ្ធមួយចំនួនរបស់លោក ណេតាន់យ៉ាហ៊ូ បានបង្ហាញជាសាធារណៈនូវគំនិតនៃការបោះឆ្នោត នៅខែមិថុនា។ សមាជិកបីរូបរបស់រដ្ឋាភិបាលបាននិយាយថា ប៉ុន្តែជិតបួនសប្តាហ៍នៃសង្គ្រាមដែលរហូតមកដល់ពេលនេះ មិនសម្រេចបាននូវគោលដៅក្នុងការផ្តួលរំលំមេដឹកនាំសាសនារបស់អ៊ីរ៉ង់ នាយករដ្ឋមន្ត្រីដែលកាន់តំណែងយូរបំផុតរបស់អ៊ីស្រាអែល កំពុងសម្លឹងរកការបញ្ចៀសការបោះឆ្នោតមុនអាណត្តិ។ សម្រាប់លោក Netanyahu សង្គ្រាមបានជួយលោកឱ្យបង្វែរការយកចិត្តទុកដាក់ចេញពីតំបន់ហ្កាហ្សា និងឆ្ពោះទៅរកយុទ្ធនាការរួមគ្នារបស់លោកជាមួយសហរដ្ឋអាមេរិកប្រឆាំងអ៊ីរ៉ង់ ជាកន្លែងដែលការឯកភាពជាតិមានកម្លាំងខ្លាំងបំផុត។ ការស្ទង់មតិ បានបង្ហាញពីការគាំទ្រយ៉ាងទូលំទូលាយក្នុងចំណោមប្រជាជនអ៊ីស្រាអែលចំពោះសង្គ្រាមដែលលោក Netanyahu និយាយថាលុបបំបាត់ការគំរាមកំហែងអត្ថិភាព។