យ៉ាងហោចណាស់មានមនុស្ស ១៣០.000នាក់ បានរត់គេចខ្លួនពីប្រទេសលីបង់ទៅកាន់ប្រទេសស៊ីរី ចាប់តាំងពីដើមខែមីនាមក ខណៈដែលការប្រយុទ្ធគ្នានៅក្នុងតំបន់នេះ បានទាញប្រទេសលីបង់ចូលទៅក្នុង សង្គ្រាមរបស់សហរដ្ឋអាមេរិក និងអ៊ីស្រាអែលប្រឆាំងនឹងអ៊ីរ៉ង់។

អង្គការអន្តោប្រវេសន៍អន្តរជាតិ (IOM) ដែលជាទីភ្នាក់ងារអង្គការសហប្រជាជាតិមួយ បានរាយការណ៍ថា លំហូរមនុស្សឆ្លុះបញ្ចាំងពីរបៀបដែលជម្លោះ អាចផ្លាស់ប្តូរទម្រង់នៃការធ្វើទេសន្តរប្រវេសន៍យ៉ាងឆាប់រហ័ស។

ចន្លោះពីថ្ងៃទី ០២ ដល់ថ្ងៃទី ១៨ ខែមីនា ភាគច្រើននៃអ្នកដែលឆ្លងកាត់ចូលទៅក្នុងប្រទេសស៊ីរី គឺជាជនជាតិស៊ីរី ដែលភាគច្រើនកំពុងស្នាក់នៅជាមួយសាច់ញាតិ ឬនៅក្នុងជម្រកបណ្តោះអាសន្ន ហើយត្រូវការជំនួយជាសាច់ប្រាក់ អាហារ និងលំនៅឋាន។ នេះបើយោងតាមអង្គការ IOM។

ក៏មានពលរដ្ឋលីបង់មួយចំនួនដែលត្រូវតែមានលិខិតអនុញ្ញាត មានសាច់ញាតិស៊ីរី មានទ្រព្យសម្បត្តិផ្ទាល់ខ្លួន ឬមានការអញ្ជើញឲ្យចូលប្រទេសនេះ។

បច្ចុប្បន្ននេះ មានជនភៀសខ្លួនស៊ីរីចំនួន ៥៣២.៣៥៧នាក់ ដែលបានចុះបញ្ជីជាមួយក្រុមប្រឹក្សាសិទ្ធិមនុស្សអង្គការសហប្រជាជាតិ។ ទោះជាយ៉ាងណាក៏ដោយ រដ្ឋាភិបាលលីបង់ប៉ាន់ប្រមាណចំនួនពិតប្រាកដដែលបានភៀសខ្លួនចេញពីសង្គ្រាមស៊ីវិល នៅក្នុងប្រទេសស៊ីរី ដែលបានចាប់ផ្តើមនៅឆ្នាំ ២០១១ និងបានបញ្ចប់ដោយការដួលរលំនៃរបបលោក អាសាដ នៅក្នុងខែធ្នូ ឆ្នាំ ២០២៤ គឺប្រហែល ១,១២ លាននាក់៕