បេសកកម្មរបស់ណាតូនៅអ៊ីរ៉ាក់ ត្រូវបានផ្លាស់ប្តូរទីតាំងទាំងស្រុង ទៅកាន់អឺរ៉ុប ដោយសារតែសង្គ្រាមមជ្ឈិមបូព៌ា សម្ព័ន្ធមិត្ត បាននិយាយថា ដោយបុគ្គលិកចុងក្រោយពីកងកម្លាំងមិនមែនប្រយុទ្ធរាប់រយនាក់ ចាកចេញពីប្រទេសនេះ នៅថ្ងៃសុក្រ។

បេសកកម្មនេះ គឺស្ថិតនៅក្នុងមូលដ្ឋានយោធាអ៊ីរ៉ាក់មួយ ក្នុងតំបន់បៃតងរបស់ទីក្រុងបាកដាដ ជិតស្ថានទូតអាមេរិក ដែលត្រូវបានកំណត់គោលដៅជាច្រើនលើក ចាប់តាំងពីការចាប់ផ្តើមសង្គ្រាមរបស់អាមេរិកនិងអ៊ីស្រាអែល ជាមួយអ៊ីរ៉ង់កាលពីបីសប្តាហ៍កន្លងមក។

សេចក្តីថ្លែងការណ៍មួយពីទីបញ្ជាការអឺរ៉ុបរបស់សម្ព័ន្ធយោធានេះ បាននិយាយថា៖«បេសកកម្មរបស់អង្គការណាតូ នៅប្រទេសអ៊ីរ៉ាក់ បានកែសម្រួលជំហររបស់ខ្លួន ដោយផ្លាស់ប្តូរទីតាំងបុគ្គលិកទាំងអស់របស់ខ្លួន ដោយសុវត្ថិភាពពីមជ្ឈិមបូព៌ាទៅកាន់អឺរ៉ុប»។

បេសកកម្មរបស់ណាតូនៅអ៊ីរ៉ាក់ ផ្តល់ជំនួយ អនុសាសន៍ និងការបណ្តុះបណ្តាលដល់កងកម្លាំងសន្តិសុខអ៊ីរ៉ាក់ដែលពាក់ព័ន្ធនឹងប្រតិបត្តិការប្រឆាំងក្រុមជីហាដ ដោយមានគោលបំណងជាពិសេស ដើម្បីទប់ស្កាត់ ការងើបឡើងវិញនៃក្រុមសកម្មប្រយុទ្ធដេស ( Daesh)។

សម្ព័ន្ធយោធានេះ បាននិយាយថា បេសកកម្មនេះ នឹងបន្តដំណើរការពីទីបញ្ជាការតំបន់របស់អង្គការណាតូ នៅទីក្រុង Naples របស់ប្រទេសអ៊ីតាលី៕