ក្រុមជំនួយមនុស្សធម៌អន្តរជាតិ បានស្នើសុំថវិកាបន្ថែម កាលពីថ្ងៃពុធ ខណៈដែលសង្គ្រាមមជ្ឈិមបូព៌ាបង្កើតបញ្ហាប្រឈមថ្មីៗសម្រាប់ធនធានដែលអស់ហើយនោះ។

ទីភ្នាក់ងារជនភៀសខ្លួនអង្គការសហប្រជាជាតិ (UNHCR) ប៉ាន់ប្រមាណថា មនុស្ស ៣,២ លាននាក់នៅក្នុងប្រទេសអ៊ីរ៉ង់ និងមនុស្ស 1 លាននាក់នៅក្នុងប្រទេសលីបង់ត្រូវបានផ្លាស់ទីលំនៅ ចាប់តាំងពីជម្លោះបានចាប់ផ្តើមនៅថ្ងៃទី ២៨ ខែកុម្ភៈ។

នៅក្នុងប្រទេសលីបង់តែមួយ ប្រទេសនេះ ត្រូវការប្រាក់បន្ថែមចំនួន ៦១លានដុល្លារ ដើម្បីគាំទ្រដល់មនុស្ស ៦00.000 នាក់ ក្នុងរយៈពេលបីខែខាងមុខ។ ទីភ្នាក់ងារនេះ ដែលបានកាត់បន្ថយបុគ្គលិក ៣០ ភាគរយ កាលពីឆ្នាំមុន ដោយសារតែការកាត់បន្ថយថវិកា បានចេញសេចក្តីអំពាវនាវជាបន្ទាន់សុំឲ្យមាន ការបរិច្ចាគ។

ទីភ្នាក់ងារនេះ បាននិយាយថា៖«ការធ្លាក់ចុះនូវមូលនិធិមនុស្សធម៌សកល កំពុងមានផលប៉ះពាល់យ៉ាងខ្លាំងទៅលើក្រុមជំនួយមនុស្សធម៌នៅពេលនេះ ខណៈដែលតម្រូវការ កំពុងកើនឡើងយ៉ាងខ្លាំង»។

 “ការកាត់បន្ថយទាំងនេះ មានន័យថា យើងកំពុងប្រតិបត្តិការជាមួយមនុស្ស និងធនធានតិចជាងមុន នៅពេលដែលការផ្លាស់ទីលំនៅ កំពុងកើនឡើង»៕