ជីវិតរស់នៅប្រចាំថ្ងៃនៅតែបន្តក្នុងរដ្ឋធានីតេអេរ៉ង់ ស្របពេលមានការវាយប្រហារពីសហរដ្ឋអាមេរិក និងអ៊ីស្រាអែលលើអ៊ីរ៉ង់ ហើយសំណើបទឈប់បាញ់សហរដ្ឋអាមេរិក កំពុងស្ថិតក្នុងការពិនិត្យមើលនៅទីក្រុងតេអេរ៉ង់ ។

ប្រជាពលរដ្ឋនាំគ្នាជួបជុំគ្នានៅសួនកម្សាន្ត Parvaz ទស្សនាប៉មអគា Milad ស្តាប់ដូរតន្រ្តី ថតរូប ជក់បារី ឬលេងកម្សាន្តសកម្មភាពនានា ធ្វើដូចជាគ្មានរឿងអ្វីកើតឡើង នៅពីក្រោយជម្លោះ ។

លោក Mostafa Beigi គឺជាពលរដ្ឋមួយរូបរស់នៅក្នុងទីក្រុងតេអេរ៉ង់និយាយថា អ្នកមិនអាចនិយាយថា ការភ័យខ្លាចមាននោះទេ ប៉ុន្តែអ្នកក៏មិនអាចនិយាយថា ការភ័យខ្លាចមិនមាននោះដែរ វាគឺជាអ្វីមួយរវាងអារម្មណ៍ភ័យខ្លាច និងអារម្មណ៍ធម្មតា ។

លោកបន្តថា អ្នកត្រូវតែបង្កើតកម្លាំងសម្រាប់ខ្លួនឯង ដើម្បីឲ្យអ្នកអាចគ្រប់គ្រងជីវិតរបស់អ្នកបានតាមវិធីធម្មតា និងបន្តការរស់នៅ ។ លោកចង់បង្ហាញថា លោកមានស្មារតីរឹងមាំ លោកមិនខ្លាចនោះទេ ហើយលោកចង់រស់នៅតាមបែបជីវិតធម្មតារបស់លោក ។

ចាប់តាំងពីការវាយប្រហាររបស់សហរដ្ឋអាមេរិក-អ៊ីស្រាអែលលើអ៊ីរ៉ង់ ទីក្រុងតេអេរ៉ង់ បានវាយប្រហារប្រទេសដែលមានមូលដ្ឋានទ័ពសហរដ្ឋអាមេរិក ហើយនិងបិទដោយប្រសិទ្ធិភាពច្រកសមុទ្រ Hormuz ដែលជាផ្លូវទឹកដ៏សំខាន់សម្រាប់ការឆ្លងកាត់ប្រេង និងឧស្ម័នធម្មជាតិរាវ ១ភាគ ៥របស់ពិភពលោក ៕