ពលរដ្ឋជម្លៀសខ្លួននៅតំបន់ភាគកណ្តាលទីក្រុងបេរូត ប្រឈមនឹងអាកាសធាតុត្រជាក់ និងភ្លៀងធ្លាក់នៅថ្ងៃព្រហស្បតិ៍នេះ ស្របពេលដែលសង្រ្គាមនៅតែអូសបន្លាយពេល ក្នុងនោះពួកគេភាគច្រើនខ្វះខាតសម្ភារៈចាំបាច់ ។

ពលរដ្ឋជម្លៀសខ្លួនខ្លះ បានដុតអុស និងថង់ប្លាស្ទិកដែលពួកគេរកបាន ដើម្បីទទួលបានភាពកក់ក្តៅ ។

នៅជិតឆ្នេរសមុទ្រ Corniche លោក Abbas Kansour វ័យ ៦៥ឆ្នាំនិយាយថា លោកធ្លាប់បម្រើការចែកចាយទឹកឲ្យក្រុមហ៊ុន ប៉ុន្តែបច្ចុប្បន្នលោកគ្មានកន្លែងត្រូវទៅនោះទេ គ្មានអាហារ ហើយនិងសម្រាកនៅក្នុងសំពត់តង់ ។ លោកបន្តថា គ្មានទឹកក្តៅ គ្មានបន្ទប់ទឹក គ្មានអ្វីៗទាំងអស់នៅទីនេះ ។ 

ទាហានអ៊ីស្រាអែល កំពុងប៉ះទង្គិចគ្នាជាមួយក្រុមហេសបូឡានៅតំបន់ភាគខាងត្បូងលីបង់ ហើយយន្តហោះចម្បាំងរបស់ពួកគេ បានទម្លាក់គ្រាប់បែកយ៉ាងខ្លាំងក្លានៅតំបន់ភាគខាងត្បូង ភាគខាងកើត និងនៅរដ្ឋធានីបេរូត ។

ក្រសួងសុខាភិបាលលីបង់និយាយថា មនុស្សជាង ១លាននាក់ ត្រូវបានជម្លៀសខ្លួន ហើយមនុស្សជាង ១ពាន់នាក់ ត្រូវបានសម្លាប់រួមទំងកុមារ ១២០នាក់ ស្រ្តី ៨០នាក់ គ្រូពេទ្យ ៤០នាក់ ៕