សង្រ្គាមបង្កឡើងដោយសហរដ្ឋអាមេរិក និងអ៊ីស្រាអែល បានសម្លាប់មនុស្សជាង ១.៥០០នាក់ នៅក្នុងប្រទេសអ៊ីរ៉ង់ ។ ចំនួនមនុស្សស្លាប់នេះ អាចនឹងមិនទាន់ផ្លូវការ ខណៈតួលេខពិតប្រាកមិនទាន់បានបញ្ចេញដោយក្រុមអាជ្ញាធរ ។

ទោះបីជាយ៉ាងណាក៏ដោយ ភាពខ្ទេចខ្ទាំងដោយសារសង្រ្គាម បង្កឲ្យមានការជម្លៀសខ្លួនទ្រង់ទ្រាយនៅក្នុងប្រទេសអ៊ីរ៉ង់ ។

ទីភ្នាក់ងារជនភៀសខ្លួនអង្គការសហប្រជាជាតិ(UNHCR)បានប៉ាន់ប្រមាណថា មនុស្ស ៣,២លានាក់ ដែលស្មើនឹងជាង ៣ភាគរយនៃចំនួនប្រជាជនសរុប បានជម្លៀសខ្លួនរួចទៅហើយនៅក្នុងប្រទេសអ៊ីរ៉ង់ ចាប់តាំងពីការវាយប្រហាររបស់សហរដ្ឋអាមេរិក-អ៊ីស្រាអែលចាប់ផ្តើមកាលពីថ្ងៃទី ២៨ ខែកុម្ភៈ ។

រយៈពេល ២៧ថ្ងៃនៃជម្លោះ ទីភ្នាកងារជំនួយ និងប្រទេសជាប់ព្រំដែនអ៊ីរ៉ង់ ប្រឈមនឹងវិបត្តិជនភៀសខ្លួន ពេលដែលជនស៊ីវិលចាប់ផ្តើមជម្លៀសខ្លួនចេញពីអំពើហិង្សា ។ លំហូរឆ្លងកាត់ព្រំដែនមានកំណត់ ហើយនៅប្រទេសអាហ្វហ្គានីស្ថាន ភាគច្រើននៃការមកដល់ គឺជាជនជាតិអាហ្វហ្គានីស្ថានមកពីអ៊ីរ៉ង់ ដែលបានលើកឡើងពីបញ្ហាអសន្តិសុខ និងការវិលត្រឡប់មកវិញដោយបង្ខំ ។

ដោយឡែក នៅប្រទេសលីបង់ សង្រ្គាមអ៊ីរ៉ង់ បានបង្ខំឲ្យមនុស្សជាង ១លាននាក់ជម្លៀសខ្លួនផងដែរចេញពីតំបន់ភាគខាងត្បូងប្រទេសមួយនេះ ៕