បាល់ទាត់៖ ការប្រកួតកីឡាបាល់ទាត់ក្នុងសាលជើងឯកអាស៊ីអាគ្នេយ៍ឆ្នាំ២០២២ នឹងចាប់ផ្តើមការប្រកួតថ្ងៃទី០២ ខែមេសា ឆ្នាំ២០២២ នេះហើយ ដោយក្នុងនោះក្រុមជម្រើសជាតិកម្ពុជាបើកយុទ្ធនាការក្នុងពូល A ដោយជួបជាមួយម៉ាឡេស៊ីនៅទីក្រុងបាងកក ប្រទេសថៃ ខណៈម្ចាស់ផ្ទះជួបជាមួយព្រុយណេ។
ថ្ងៃទី០៣ ខែមេសា កម្ពុជាប្រកួតជាមួយម្ចាស់ផ្ទះថៃ ព្រុយណេប្រកួតជាមួយឥណ្ឌូនេស៊ី។ ចំនែកការប្រកួតផ្សេងទៀតរបស់កម្ពុជាត្រូវជួបជាមួយព្រុយណេថ្ងៃទី៤ ខែមេសា និងប្រកួតចុងក្រោយជួបជាមួយឥណ្ឌូនេស៊ីថ្ងៃទី០៦ ខែមេសា។ ដោយឡែកពូល B មានក្រុមជម្រើសជាតិបាល់ទាត់ក្នុងសាលវៀតណាម សហភាពមីយ៉ាន់ម៉ា ទីម័រខាងកើត និងអូស្ត្រាលី។ វគ្គពាក់កណ្តាលត្រូវប្រកួតថ្ងៃទី៨ ខែមេសា និងវគ្គផ្តាច់ព្រ័ត្រលេងនៅថ្ងៃទី១០ ខែមេដាខាងមុខ។ សូមជម្រាបជូនដែរថា ក្រុមដែលបញ្ចប់នៅចំណាត់ថ្នាក់លេខ១ លេខ២ និងលេខ៣ បានកៅអីឡើងទៅលេងបាល់ទាត់ក្នុងសាលជើងឯកអាស៊ី ២០២២ នៅគុយវ៉ែតពីថ្ងៃទី២៥ ខែកញ្ញាដល់ថ្ងៃទី២០ ខែតុលា ឆ្នាំ២០២២៕
អត្ថបទ៖ គង់ ហួន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
