អង្គការស៊ីអ៊ីតហេសបូឡានៅប្រទេសលីបង់ និយាយថា អង្គភាពប្រដាប់អាវុធរបស់ខ្លួន បានវាយប្រហារដោយមីស៊ីល ទៅលើបរិវេណក្រសួងការពារជាតិអ៊ីស្រាអែល នៅក្នុងទីក្រុងតែលអាវីវ (Tel Aviv)។

អង្គការនេះ បាននិយាយនៅក្នុងសេចក្តីថ្លែងការណ៍មួយដែលបានបង្ហោះនៅលើបណ្តាញសង្គម Telegram របស់ខ្លួនថា៖«នៅម៉ោង ១:១០ ព្រឹក ម៉ោងក្នុងស្រុក ថ្ងៃព្រហស្បតិ៍ ទី ២៦ ខែមីនា ឆ្នាំ ២០២៦ (ម៉ោង ១០:១០ យប់ ម៉ោងសកម ថ្ងៃទី ២៥ ខែមីនា) ក្រុមអ្នកតស៊ូឥស្លាម បានវាយប្រហារទីបញ្ជាការ កងទ័ពរបស់ក្រសួងការពារជាតិអ៊ីស្រាអែល នៅក្នុងទីក្រុងតែលអាវីវ»។

ក្រៅពីនេះ បន្ទាយរបស់កងកម្លាំងស៊ើបការណ៍យោធានៅជិតទីក្រុងនេះ ក៏ត្រូវបានវាយប្រហារដោយការប្រើប្រាស់«មីស៊ីលប្រភេទផ្សេងៗ» ផងដែរ៕