នាវាចម្លាំង HNLMS Evertsen របស់ហូឡង់ ត្រូវបានគេមើលឃើញចូលចតនៅកំពង់ផែ Heralkion ស្ថិតលើកោះ Crete របស់ក្រិក កាលពីថ្ងៃព្រហស្បតិ៍ ក្រោយត្រូវបានបញ្ជូនទៅកាន់សមុទ្រមេឌីទែរ៉ាណេ ។

នាវាចម្បាំងមួយគ្រឿងនេះ គឺជាផ្នែកមួយនៃបេសកកម្មរួមគ្នារបស់បណ្តាប្រទេសអឺរ៉ុប រួមទាំងអេស្ប៉ាញ អ៊ីតាលី និងអង់គ្លេស ដើម្បីបញ្ជូនធនធានការពារជាតិរបស់ខ្លួនទៅកាន់ប្រទេសស៊ីប សម្រាប់ការការពារ ក្រោយយានដ្រូនអ៊ីរ៉ង់វាយប្រហារមូលដ្ឋានទ័ពអង់គ្លេស RAF ស្ថិតនៅក្នុងទីក្រុង Akrotiri កាលពីថ្ងៃទី ២ ខែមីនា ។

រយៈពេល ១សប្តាហ៍ក្រោយការវាយប្រហារនោះ រដ្ឋាភិបាលហូឡង់និយាយថា ពួកគេនឹងបញ្ជូននាវាចម្បាំងរបស់ខ្លួនទៅកាន់សមុទ្រមេឌីទែរ៉ាណេ តាមសំណើរបស់បារាំង ដើម្បីជួយការពារប្រទេសស៊ីប និងសម្ព័ន្ធមិត្តផ្សេងទៀត ក៏ដូចជាធានាចរាចរណ៍ផ្លូវសមុទ្រដែលរងផលប៉ះពាល់ដោយវិបត្តិកាន់តែរីកខ្លាំងនៅមជ្ឈិមបូព៌ា ។

សង្រ្គាមអ៊ីរ៉ង់ បណ្តាលឲ្យលុបចោលដំណើរកម្សាន្តកើនឡើងរបស់ភ្ញៀវទេសចរទៅកាន់ប្រទេសស៊ីបផងដែរ ដែលពឹងផ្អែកខ្លាំងលើវិស័យទេសចរណ៍អំឡុងរដូវក្តៅ ។

សហរដ្ឋអាមេរិក និងអ៊ីស្រាអែល បានបើកការវាយប្រហារលើអ៊ីរ៉ង់កាលពីថ្ងៃទី ២៨ ខែកុម្ភៈ ពេលដែលវិស័យទេសចរនៅប្រទេសស៊ីបបើកឡើងវិញ ក្រោយរដូវរងា ៕