កងឆ្មាំបដិវត្តន៍ឥស្លាមអ៊ីរ៉ង់ (IRGC) បានចេញការព្រមានដល់ជនស៊ីវិលនៅទូទាំងតំបន់អាស៊ីភាគខាងលិច ដោយជំរុញឲ្យពួកគេចាកចេញពីតំបន់ដែលកងកម្លាំងអាមេរិកឈរជើងជាបន្ទាន់ ដោយលើកឡើងពីក្ដីបារម្ភ ដែលថា កងកម្លាំងអាមេរិក និងអ៊ីស្រាអែលអាចប្រើប្រាស់ទីតាំងជនស៊ីវិលជាខែល។

នៅក្នុងសេចក្តីប្រកាសលេខ៤៨ នៃប្រតិបត្តិការ True Promise 4 ស្ថាប័នទំនាក់ទំនងសាធារណៈរបស់ IRGC បានបញ្ជាក់ថា៖ «កងកម្លាំងអាមេរិក-អ៊ីស្រាអែលទន់ខ្សោយ ដែលខ្វះសមត្ថភាពក្នុងការការពារមូលដ្ឋានយោធារបស់ខ្លួន កំពុងព្យាយាមប្រើប្រាស់ហេដ្ឋារចនាសម្ព័ន្ធជនស៊ីវិលជាខែល ដោយសារការភ័យខ្លាច ក្នុងការប្រឈមមុខដាក់គ្នាជាមួយកងកម្លាំងអ៊ីរ៉ង់។

សេចក្តីថ្លែងការណ៍បានបន្ថែមថា IRGC មានកាតព្វកិច្ចទទួលខុសត្រូវលុបបំបាត់ «កងកម្លាំងភេរវកររបស់សហរដ្ឋអាមេរិក និងរបបត្រួតត្រាគេ» នៅគ្រប់ទីកន្លែងដែលពួកគេត្រូវបានរកឃើញ ដើម្បីឆ្លើយតបទៅនឹងការសម្លាប់ជនស៊ីវិលអ៊ីរ៉ង់ ដោយមិនរើសមុខ និងការធ្វើឃាតលើឥស្សរជនសំខាន់ៗ។

សេចក្តីប្រកាសនេះបានណែនាំយ៉ាងខ្លាំងដល់ជនស៊ីវិលឲ្យចាកចេញពីតំបន់ ដែលមានបុគ្គលិកអាមេរិកជាបន្ទាន់ ដើម្បីជៀសវាងគ្រោះថ្នាក់នានា៕