អ៊ុយក្រែន៖ ក្រុមអ្នកជួយសង្គ្រោះបានបន្តធ្វើការ នៅក្នុងកម្ទេចកំទីអគារបាក់បែករបស់រដ្ឋាភិបាលក្នុងទីក្រុង Mykolaiv ដោយស្វែងរកអ្នកនៅរស់រានមានជីវិត និងជនរងគ្រោះដោយការវាយប្រហារមកលើទីក្រុងនេះ។ យ៉ាងហោចណាស់មនុស្ស ១៥នាក់បានស្លាប់ និង ៤០នាក់បានរងរបួស ខណៈអគារនេះត្រូវបានបំផ្លាញធ្ងន់ធ្ងរដោយការវាយប្រហារ។
លោក Kim Vitaliy មន្ត្រីរដ្ឋាភិបាលប្រចាំតំបន់នៃទីក្រុង Mykolaiv បាននិយាយក្នុងសន្និសីទសារព័ត៌មានថា លោកមិនខ្វល់អំពីអគារ និងអំពីឯកសារនោះទេ បញ្ហាចម្បងគឺជនស៊ីវិលដែលបានស្លាប់ក្នុងការវាយប្រហារ។ ខណៈកងទ័ពអ៊ុយក្រែនបន្តប្រយុទ្ធនឹងការរុលទៅមុខរបស់កងកម្លាំងរុស្ស៊ីនៅជាយក្រុង Mykolaiv លោក Vitaliy បាននិយាយថា ស្ថានភាពស្ថិតនៅក្រោមការគ្រប់គ្រង ប៉ុន្តែតំបន់នេះបានបន្តប្រឈមនឹងបញ្ហាធំមួយចំនួន៕
អត្ថបទ៖ ប៊ុនថន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
