អង្គការអឌ្ឍចន្ទក្រហមអ៊ីរ៉ង់ បាននិយាយនៅក្នុងសេចក្តីថ្លែងការណ៍មួយថា ជនស៊ីវិលប្រហែល ២១.000នាក់ បានរងរបួស នៅក្នុងការវាយប្រហាររបស់សហរដ្ឋអាមេរិក និងអ៊ីស្រាអែលលើអ៊ីរ៉ង់ ចាប់តាំងពីការចាប់ផ្តើមនៃជម្លោះ។ 

សេចក្តីថ្លែងការណ៍នេះ បានបញ្ជាក់ថា៖«ជនស៊ីវិលប្រហែល ២១.000នាក់ បានរងរបួស ក្នុងនោះមាន   អនីតិជនអាយុក្រោម ១៨ ឆ្នាំ ចំនួន ១.៧៣១នាក់ និងស្ត្រីចំនួន ៤.១៦៣នាក់»។

អឌ្ឍចន្ទក្រហមបានសង្កត់ធ្ងន់ថា ការវាយប្រហារទាំងនេះ បានសម្លាប់កុមារចំនួន ២១៤ និងស្ត្រីចំនួន ២៤៤នាក់។

លើសពីនេះ អគារលំនៅឋានជាង ៨០.000កន្លែង អគារពាណិជ្ជកម្មជាង ២០.000 អគារ មជ្ឈមណ្ឌលវេជ្ជសាស្ត្រចំនួន ២៩៦កន្លែង និងស្ថាប័នអប់រំចំនួន ៦០០កន្លែង ត្រូវបានវាយប្រហារ៕