ចំនួនកងទ័ពអាមេរិកនៅមជ្ឈិមបូព៌ា បានលើសពី ៥0.000នាក់។ នេះបើយោងតាមការចុះផ្សាយរបស់កាសែត The New York Times (NYT)។

យោងតាមកាសែតនេះ តួលេខនេះ បានកើនឡើងលើសពីកម្រិតនោះ ជាមួយនឹងការមកដល់នៃកងម៉ា       រីនចំនួន ២.៥០០នាក់ និងនាវិកចំនួន ២.៥០០នាក់ នៅក្នុងតំបន់នេះ។ របាយការណ៍នេះ បានកត់សម្គាល់ថា ចំនួនកងទ័ពអាមេរិកបច្ចុប្បន្ននៅមជ្ឈិមបូព៌ា គឺប្រហែល ១០.000នាក់ លើសពីធម្មតា។

ទោះជាយ៉ាងណាក៏ដោយ តួលេខនេះ មិនរាប់បញ្ចូលចំនួន ៤.៥០០នាក់ នៅលើនាវាផ្ទុកយន្តហោះ USS Gerald R. Ford ទេ។ នេះបើយោងតាមកាសែត NYT។ នៅពាក់កណ្តាលខែមីនា អគ្គិភ័យមួយ បានឆាបឆេះលើនាវា ដែលជំរុញឲ្យវាចាកចេញពីសមុទ្រក្រហម ដើម្បីធ្វើដំណើរទៅកាន់កោះ Crete ហើយបន្ទាប់មកទៅកាន់កំពង់ផែ Split នៅលើឆ្នេរសមុទ្រ Adriatic របស់ប្រទេសក្រូអាស៊ី ដើម្បីជួសជុល៕