អ្នកនាំពាក្យនគរបាលម្នាក់ បានបញ្ជាក់កាលពីថ្ងៃចន្ទថា ខ្មាន់កាំភ្លើងបានសម្លាប់មនុស្សជាង ៧០នាក់ នៅស៊ូដង់ខាងត្បូង ដោយសារជម្លោះជុំវិញការរុករករ៉ែមាស នៅជាយក្រុងនេះ កាលពីចុងសប្តាហ៍។ 

វីដេអូនៃសាកសពរាប់សិបនាក់នៅលើដីវាលមួយកន្លែង ត្រូវបានចែករំលែកតាមអ៊ីនធឺណិត ហើយអ្នកកាសែតក្នុងស្រុកម្នាក់ បាននិយាយថា ជនរងគ្រោះជាច្រើនទៀត ត្រូវបានគេជឿថា បានរត់គេចខ្លួនទៅក្នុងគុម្ពោតព្រៃ។

ទីតាំងរ៉ែមាសនៅក្នុងតំបន់ Jebel Iraq ក្នុងរដ្ឋ Equatoria ភាគកណ្តាល កាលពីអតីតកាល គឺជាទីតាំងនៃការប៉ះទង្គិចគ្នាដោយហិង្សារវាងអ្នករុករករ៉ែខុសច្បាប់ និងក្រុមហ៊ុនរ៉ែ។

អ្នកនាំពាក្យនគរបាលលោក Kwacijwok Dominic Amondoc បាននិយាយថា លោកនឹងចែករំលែកព័ត៌មានបន្ថែមអំពីការវាយប្រហារ នៅពេលដែលលោកទទួលបានព័ត៌មានលម្អិតបន្ថែម។

លោកបាននិយាយថា៖«អ្វីដែលខ្ញុំដឹងគឺថា ខ្មាន់កាំភ្លើងមិនអត្តសញ្ញាណ បានវាយប្រហារនៅអណ្តូងរ៉ែមាស ស្ថិតក្នុងតំបន់Jebel Iraq ដោយបានបណ្តាលឲ្យមនុស្សជាង ៧០នាក់ ស្លាប់ និងជាច្រើននាក់ផ្សេងទៀត រងរបួស៕