រដ្ឋមន្ត្រីការបរទេសអ៊ីរ៉ង់ លោក Abbas Araghchi បាននិយាយថា ប្រទេសជិតខាងរបស់អ៊ីរ៉ង់ គួរតែទទួលស្គាល់អសមត្ថភាពរបស់សហរដ្ឋអាមេរិក ក្នុងការធានាសន្តិសុខ និងគាំទ្រទីក្រុងតេអេរ៉ង់ ដែលទទូចឲ្យដកកងកម្លាំងអាមេរិកចេញពីតំបន់នេះ ជាបន្ទាន់។  

លោកបានសរសេរនៅលើប្រព័ន្ធផ្សព្វផ្សាយសង្គម X ថា៖«អ៊ីរ៉ង់គោរពព្រះរាជាណាចក្រអារ៉ាប៊ីសាអ៊ូឌីត ហើយចាត់ទុកប្រទេសនេះ ជាប្រទេសបងប្អូន។ ប្រតិបត្តិការរបស់យើង គឺសំដៅលើពួកឈ្លានពានជា  សត្រូវ ដែលមិនគោរពជនជាតិអារ៉ាប់ ឬអ៊ីរ៉ង់ ហើយក៏មិនអាចផ្តល់សន្តិសុខណាមួយបានដែរ»។

«គ្រាន់តែមើលអ្វីដែលយើងបានធ្វើចំពោះទីបញ្ជាការផ្លូវអាកាសរបស់ពួកគេ គឺដល់ពេលដែលត្រូវ       បណ្តេញកងកម្លាំងអាមេរិកចេញហើយ»៕