ភ្នំពេញ​ ៖ ភេសជ្ជៈ កូកា-កូឡា ដែលជាម៉ាកយីហោភេសជ្ជៈពេញនិយមបំផុតនៅប្រទេស កម្ពុជា ភ្នំពេញ កាលពីថ្ងៃទី២៦ ខែមីនា ឆ្នាំ២០២២ ប្រារព្ធពិធីបុណ្យចូលឆ្នាំខ្មែរ ជាមួយនឹងយុទ្ធនាការ “សិរីសួស្តីចូលផ្ទះរីករាយបុណ្យចូលឆ្នាំថ្មី ប្រពៃណី ខ្មែរ”។

លោក មាស វុត្ថា នាយកផ្នែកលក់និងពាណិជ្ជកម្ម នៃក្រុមហ៊ុន កូកា-កូឡា កម្ពុជា មាន ប្រសាសន៍ថា៖ ក្នុងនាមជាម៉ាកយីហោមួយ យើងទទួលស្គាល់ថាពិតជាមានសំណាងណាស់ដែលមាន ឱកាសស្ថិតនៅតុអាហាររួម និងមានឱកាសឃើញទិដ្ឋភាពរីករាយពិតប្រាកដរបស់អ្នកញុំា ជាពិសេស ភាពរីករាយក្នុងរដូវបុណ្យចូលឆ្នាំខ្មែរប្រពៃណីជាតិ។ តាមរយៈ ការទទួលទានអាហារ ជាមួយភេសជ្ជៈ កូកា-កូឡាជុំគ្នានេះ យើងទាំងអស់គ្នាទទួលបានភាពរីករាយ និងការផ្សាភ្ជាប់ទំនាក់ទំនង ជាមួយ និងមនុស្សជាទីស្រលាញ់ មិនថាក្នុងន័យមិត្តភាព ឬសហគមន៍។ បន្ថែមពីលើយុទ្ធនាការនេះ សិល្បៈករ និងតារាល្បីៗ នឹងបង្ហាញខ្លួនតំណាងអោយកូកា-កូឡាក្នុងព្រឹត្តិការណ៍ «ភូមិសិរីសួស្តីកូកា-កូឡា» នៅតាមទីតាំង ដើម្បីនាំមកវិញនូវភាពសប្បាយរីករាយ និងល្បែងប្រជាប្រិយប្រពៃណីជាតិ នៃពិធី បុណ្យចូលឆ្នាំថ្មីប្រពៃណីជាតិខ្មែរយើង។ សិល្បៈករ និងតារាល្បីៗ នឹងចូលរួមលេងល្បែង ប្រជាប្រិយ ដែលមានដូចជា៖ បោះអង្គុញ លាក់កន្សែង ដណ្ដើមស្លឹកឈើ ចោលឈូង វាយក្អម និងទាញព្រ័ត្រ។ ទន្ទឹមនឹងនេះ ក៏មានឱកាសថតរូប “Selfie” ជុំគ្រួសារ ដែលរូបនោះនឹងបង្ហាញផ្ទាល់លើអេក្រង់ LED នៅផ្សារទំនើបផងដែរ។ សិល្បៈករ និងតារាល្បីៗ នឹងអញ្ជើញចូលរួម«ភូមិសិរីសួស្តីកូកា-កូឡា» នៅតាមទីតាំងកម្មវីធីដូចកាលវិភាគខាងក្រោម៖

• ផ្សារ K-Mall ចាប់ពីថ្ងៃទី២៥ ដល់២៧ ខែមីនា ពីម៉ោង៩ព្រឹក ដល់ ៩យប់

• ផ្សារទំនើបអ៊ីអន សែនសុខ ចាប់ពីថ្ងៃទី១ ដល់៣ ខែមេសា ពីម៉ោង៩ព្រឹក ដល់ ៩យប់

• ផ្សារទំនើប Exchange Square ចាប់ពីថ្ងៃទី៨ ដល់១០ ខែមេសា ពីម៉ោង៩ព្រឹក ដល់ ៩យប់

ទស្សនៈនៃ «សិរីសួស្តីចូលផ្ទះរីករាយបុណ្យចូលឆ្នាំថ្មីប្រពៃណីខ្មែរ» របស់ភេសជ្ជៈ កូកា-កូឡា ជឿថា ភាពរីករាយអាចកើតមាននៅគ្រប់ទីកន្លែង។ ភាពរីករាយអាចកើតមានទោះក្នុងពេលវេលាដ៏ស្ងប់ស្ងាត់ ក៏អាចកើតមានក្នុងពេលវេលាអូអ៊រនៃការប្រារព្ធពិធីធំៗ។ ភាពរីករាយ ក៏អាចកើតឡើងនៅ ពេលយើង ទទួលបានបទពិសោធថ្មី និងការចងចាំណាមួយដែលនឹកស្មានមិនដល់។ ភាពរីករាយកើតមានពិត ប្រាកដ នៅពេលអ្នកនៅជាមួយមនុស្សជាទីស្រឡាញ់ ក៏ដូចជាមួយសហគមន៍របស់យើង មិនថា ទំនាក់ទំនងទាំងនេះកើតឡើងដោយផ្ទាល់ ឬតាមរយៈអនឡាញនោះទេ។ ក្រុមហ៊ុន កូកា-កូឡា កម្ពុជា មានសកម្មភាពជាច្រើនសម្រាប់អបអរពិធីបុណ្យចូលឆ្នាំខ្មែរប្រពៃណីជាតិ។ សូមចូលរួមអបអរសាទរ បុណ្យចូលឆ្នាំថ្មីជាមួយនឹងយុទ្ធនាការ #Bring Home the Magic និងសូមរីករាយជាមួយអ្នកជុំវិញ ខ្លួនក្នុងឱកាសនេះ អោយធ្វើអោយពេលវេលានេះពោរពេញដោយភាពរីករាយពិតប្រាកដ។ ដើម្បីស្វែង យល់បន្ថែម សូមចូលទៅកាន់ #ភាពរីករាយដ៏ពិតប្រាកដ #CocaColaKH)៕ អត្ថបទ​៖ រដ្ឋា