ក្រុមអ្នកតវ៉ានៅទីក្រុងឡុងដ្រ៍កាលពីថ្ងៃអង្គារ ទី៣១ ខែមីនា បានថ្កោលទោសច្បាប់ថ្មីដែលសភាអ៊ីស្រាអែលបានអនុម័ត ធ្វើឲ្យមានទោសប្រហារជីវិតជាការកាត់ទោសលើពលរដ្ឋប៉ាឡេស្ទីននៅក្នុងតុលាការយោធាពីបទវាយប្រហារដ៏បង្ហូរឈាម។

អ្នករិះគន់និយាយថា ច្បាប់នេះ នឹងអនុវត្តចំពោះតែជនជាតិអ៊ីស្រាអែលដែលត្រូវបានកាត់ទោសពីបទឃាតកម្មដែលការវាយប្រហាររបស់ពួកគេមានគោលបំណង «បញ្ចប់ការតាំងនៅរបស់អ៊ីស្រាអែល» ហើយវាក៏នឹងអនុវត្តទោសប្រហារជីវិតសម្រាប់ពលរដ្ឋប៉ាឡេស្ទីន ប៉ុន្តែពុំមែនសម្រាប់ជនជាតិជ្វីហ្វអ៊ីស្រាអែលដែលបានប្រព្រឹត្តបទឧក្រិដ្ឋស្រដៀងគ្នានោះទេ ។

ច្បាប់នេះ បានធ្វើឲ្យមានការរិះគន់ពីអន្តរជាតិចំពោះអ៊ីស្រាអែល ដែលកំពុងស្ថិតក្រោមការត្រួតពិនិត្យរួចហើយសម្រាប់អំពើហិង្សាកាន់តែខ្លាំងឡើងដោយអ្នកតាំងលំនៅឋានជនជាតិជ្វីហ្វប្រឆាំងនឹងពលរដ្ឋប៉ាឡេស្ទីននៅក្នុងតំបន់ West Bank និងសង្គ្រាមនៅតំបន់ហ្កាហ្សា ដែលក្រុមអ្នកតវ៉ាបានប្រមូលផ្តុំគ្នានៅ Whitehall ក្នុងទីក្រុងឡុងដ្រ៍ ចក្រភពអង់គ្លេស បានប្រាប់សារព័ត៌មាន Reuters ថា ពួកគេមាន «ការភ្ញាក់ផ្អើល» និង «មានកំហឹង» នៅពេលដែលច្បាប់នេះត្រូវបានអនុម័ត ដោយអ្នកតវ៉ាចាត់ទុកច្បាប់នេះថា «គួរឱ្យស្អប់ខ្ពើម»។

វិធានការនេះ រួមមានបទប្បញ្ញត្តិដែលតម្រូវឱ្យមានការប្រហារជីវិតដោយព្យួរកក្នុងរយៈពេល៩០ថ្ងៃបន្ទាប់ពីការកាត់ទោស និងមានការអនុញ្ញាតមួយចំនួនសម្រាប់ការពន្យារពេល ប៉ុន្តែពុំមានសិទ្ធិទទួលបានការលើកលែងទោសទេ។