ចៅក្រមអាមេរិកមួយរូប កាលពីថ្ងៃអង្គរ (ទី៣១ ខែមីនា ឆ្នាំ២០២៦) បានរារាំងលោក Donald Trump មិនឲ្យសាងសង់សាលជប់លៀងតម្លៃ ៤០០លានដុល្លារ នៅលើទីតាំង East Wing ដែលត្រូវបានរុះរើរបស់សេតវិមាន ដែលជាការផ្អាកបណ្ដោះអាសន្ននូវកិច្ចប្រឹងប្រែងដ៏គួរឲ្យកត់សម្គាល់បំផុតមួយរបស់ប្រធានាធិបតីទៅគណបក្សសាធារណរដ្ឋ ក្នុងការផ្លាស់ប្តូររូបរាងអាសនៈអំណាចអាមេរិក។

ចៅក្រមប្រចាំតំបន់របស់សហរដ្ឋអាមេរិក លោក Richard Leon បានយល់ព្រមលើសំណើសុំដីកាបង្គាប់បឋមដោយ National Trust for Historic Preservation ជាអង្គការមិនស្វែងរកប្រាក់ចំណេញ ដែលបានដាក់ពាក្យបណ្តឹង ដោយចោទប្រកាន់លោក Trump ថា បានធ្វើហួសពីសិទ្ធិអំណាចរបស់លោក នៅពេលដែលលោកបានរុះរើអគារប្រវត្តិសាស្ត្រ East Wing និងបានចាប់ផ្តើមការសាងសង់អគារថ្មី។

សេចក្ដីសម្រេចរបស់ចៅក្រម លោក Leon ជាបុគ្គលដែលត្រូវបានតែងតាំងដោយអតីតប្រធានាធិបតីបក្សសាធារណរដ្ឋ លោក George W. Bush បានធ្វើឲ្យគម្រោងសាលជប់លៀងទំហំ ៩០.០០០ហ្វីតការ៉េ (ជាង ៨០.០០០ម៉ែត្រការ៉េ) ត្រូវផ្អាក ខណៈពេលដែលបណ្តឹងនៅតែបន្តមាន។

ចៅក្រមបានបញ្ជាក់ថា លោកកំពុងផ្អាកការបង្គាប់បញ្ជារបស់លោករយៈពេល ១៤ថ្ងៃ ដើម្បីអនុញ្ញាតឲ្យរដ្ឋបាលរបស់លោក Trump ប្តឹងឧទ្ធរណ៍។ លោកបានបន្ថែមថា បញ្ជានេះមិនប៉ះពាល់ដល់ «ការសាងសង់ចាំបាច់ ដើម្បីធានាសុវត្ថិភាព និងសន្តិសុខរបស់សេតវិមាន» ឡើយ។ ប៉ុន្មានម៉ោងបន្ទាប់ពីបទបញ្ជានេះត្រូវបានចេញ ក្រសួងយុត្តិធម៌បានប្តឹងឧទ្ធរណ៍ទៅតុលាការឧទ្ធរណ៍សហរដ្ឋអាមេរិកដែលមានមូលដ្ឋាននៅទីក្រុងវ៉ាស៊ីនតោន សម្រាប់តុលាការតំបន់ Columbia។

នៅក្នុងការបង្ហោះលើគេហទំព័របណ្ដាញសង្គម Truth Social របស់លោក លោក Trump បានហៅអង្គការ National Trust ថា ជាក្រុមឆ្វេងនិយមមិនចេះគិត ហើយបាននិយាយថា សាលជប់លៀងរបស់លោក «កំពុងត្រូវបានសងសង់ក្រោមតម្លៃកំណត់ រួចលឿនមុនពេលកំណត់ មិនប៉ះពាល់ប្រាក់អ្នកបង់ពន្ធ ហើយនឹងក្លាយជាអគារល្អបំផុតក្នុងពិភពលោក»៕