នាយករដ្ឋមន្ត្រីកាណាដា លោក Mark Carney កាលពីថ្ងៃអង្គារ បានថ្កោលទោសការដាក់ពង្រាយកងទ័ពរបស់អ៊ីស្រាអែល ប្រឆាំងនឹងគោលដៅរបស់ក្រុមហេសបូឡា នៅលីបង់ថា ជា «ការឈ្លានពានខុសច្បាប់» ដែលរំលោភលើ «សុចរិតភាព និងអធិបតេយ្យភាព» របស់ប្រទេសនេះ។

លោក Carney បានប្រាប់អ្នកសារព័ត៌មាននៅក្នុងព្រឹត្តិការណ៍មួយនៅទីក្រុង Wakefield រដ្ឋ Quebec ថា៖ «រដ្ឋាភិបាលលីបង់ បានហាមឃាត់ក្រុមហេសបូឡា កំពុងចាត់វិធានការ កំពុងព្យាយាមចាត់វិធានការប្រឆាំងនឹងក្រុមហេសបូឡា និងសកម្មភាពភេរវកម្មរបស់ពួកគេ និងការគំរាមកំហែងរបស់ពួកគេ ចំពោះអ៊ីស្រាអែល ហើយនោះគឺជាហេតុផលដែលត្រូវបានអះអាង សម្រាប់ការឈ្លានពាននេះ»។ លោកបានសង្កត់ធ្ងន់ថា៖ «ដូច្នេះ យើងថ្កោលទោសវិធានការនេះ»។

ក្រុមហេសបូឡា ដែលជាក្រុមសកម្មប្រយុទ្ធគាំទ្រដោយអ៊ីរ៉ង់ បានទាញលីបង់ឲ្យធ្លាក់ចូលទៅក្នុងសង្គ្រាមដោយបើកការវាយប្រហារលើអ៊ីស្រាអែល ដើម្បីសងសឹកការសម្លាប់មេដឹកនាំកំពូលអ៊ីរ៉ង់ លោក Ali Khamenei។ អ៊ីស្រាអែលបានឆ្លើយតបដោយការវាយប្រហារយ៉ាងទូលំទូលាយ នៅទូទាំងប្រទេសលីបង់ និងការវាយលុកថ្មើរជើង។

ការអត្ថាធិប្បាយរបស់លោក Carney បានកើតឡើងនៅពេលដែលក្រុមប្រឹក្សាសន្តិសុខអង្គការសហប្រជាជាតិ នឹងបើកកិច្ចប្រជុំបន្ទាន់មួយ ពាក់ព័ន្ធនឹងការស្លាប់ថ្មីៗរបស់កងកម្លាំងរក្សាសន្តិភាពអង្គការសហប្រជាជាតិ ៣នាក់ នៅលីបង់ ដែលអាចបណ្តាលមកពីការបាញ់ប្រហាររបស់អ៊ីស្រាអែល៕