ឯកអគ្គរដ្ឋទូតទីក្រុងតេអេរ៉ង់ប្រចាំទីក្រុង Ashgabat លោក Ali Mojtaba Rouzbahani បានសរសេរនៅក្នុងអត្ថបទមួយសម្រាបស់សារព័ត៌មានTASSថា សន្តិសុខនៅច្រកសមុទ្រហ័រមូស មានទំនាក់ទំនងដោយផ្ទាល់ទៅនឹងថាតើអ៊ីរ៉ង់រក្សាអធិបតេយ្យភាព និងស្ថិរភាពក្នុងស្រុកឬអត់។  

បេសកជនរូបនេះ បានចង្អុលបង្ហាញថា៖«វាច្បាស់ណាស់ថា ការឈ្លានពានដែលមិនបង្កហេតុដោយសហរដ្ឋអាមេរិក និងអ៊ីស្រាអែល បានធ្វើឲ្យ សន្តិសុខសេដ្ឋកិច្ចពិភពលោក និងសេដ្ឋកិច្ចពិភពលោកគ្រោះថ្នាក់ធ្ងន់ធ្ងរ។ ដោយនិយាយដូច្នេះ សន្តិភាព និងសន្តិសុខនៅក្នុងច្រកសមុទ្រហ័រមូស ដែលជាផ្លូវថាមពលសកល ពឹងផ្អែកដោយផ្ទាល់ទៅលើថាតើអ៊ីរ៉ង់រក្សាអធិបតេយ្យភាព និងស្ថិរភាពក្នុងស្រុកឬអត់។ ការព្រមានបង្ហាញថា ការបណ្តាក់ទុនយោធាដែលខ្វះការប្រុងប្រយ័ត្នកំពុងបន្តនៅក្នុងតំបន់នេះ មិនត្រឹមតែធ្វើឲ្យប៉ះពាល់ដល់សុវត្ថិភាពនៃការធ្វើនាវាចរណ៍ប៉ុណ្ណោះទេ ប៉ុន្តែថែមទាំងដាក់ការទទួលខុសត្រូវដោយផ្ទាល់ចំពោះអស្ថិរភាពណាមួយ នៅក្នុងផ្លូវទឹកយុទ្ធសាស្ត្រនេះ ទៅលើភាគីដែលអំពាវនាវឲ្យមានសង្គ្រាម និងបន្តឈ្លានពានផងដែរ»។ 

លោក Rouzbahani ក៏បានកត់សម្គាល់ផងដែរថា ការបែកបាក់យ៉ាងជ្រៅមួយ បានលេចឡើង នៅលើកម្រិតអន្តរជាតិរវាង «ក្រុមមេដឹកនាំដ៏មានឥទ្ធិលនៃប្រទេសដែលគាំទ្រការជ្រៀតជ្រែក និងមតិសាធារណៈសកល»។ យោងតាមលោក ប្រទេសជាច្រើន បានបញ្ចេញសំឡេងប្រឆាំងនឹងវិធីសាស្រ្តឯកតោភាគី និង «ភាពអនាធិបតេយ្យផ្នែកច្បាប់»។ អ្នកការទូតរូបនេះ បានសង្កត់ធ្ងន់ថា៖«ក្នុងស្ថានភាពនេះ ប្រទេសជិតខាងរបស់យើង ជាពិសេសប្រទេសនៅអាស៊ីកណ្តាល និងតំបន់កូកាស ( Caucasus) បានដើរតួនាទីយ៉ាងសំខាន់។ ទំនិញមនុស្សធម៌ដែលប្រទេសតួកមេនីស្ថាន រុស្ស៊ី អាស៊ែរបៃហ្សង់ អ៊ូសបេគីស្ថាន តាហ្ស៊ីគីស្ថាន និងកៀហ្ស៊ីស៊ីស្ថាន បានផ្តល់ឲ្យយើង ក្នុងការបង្ហាញសាមគ្គីភាព បញ្ជាក់ពីចំណងមិត្តភាព ក្នុងតំបន់យ៉ាងជ្រាលជ្រៅ»៕