លោក Ebrahim Zolfaghari អ្នកនាំពាក្យរបស់ទីបញ្ជាការកណ្តាល Khatam-al Anbiya បាននិយាយថាសេចក្តីថ្លែងការណ៍របស់ប្រធានាធិបតីអាមេរិក លោក ដូណាល់ ត្រាំ ( Donald Trump) ដែលថា សមត្ថភាពយោធារបស់អ៊ីរ៉ង់ ត្រូវបានបំផ្លាញនោះ មិនស្របគ្នាជាមួយនឹងការពិតទេ។  

ដោយបានដកស្រង់សម្តីដោយសារទីភ្នាក់ងារសារព័ត៌មាន Mehr លោកបាននិយាយថា៖«កុំសង្ឃឹមថា អ្នកបានបំផ្លាញមជ្ឈមណ្ឌលផលិតមីស៊ីលបាលីស្ទីករយៈចម្ងាយឆ្ងាយ ដែលអាចវាយប្រហារគោដៅជាក់លាក់កម្រិតខ្ពស់ យានដ្រូនវាយប្រហារ ប្រព័ន្ធការពារដែនអាកាសទំនើប សមត្ថភាពសង្គ្រាមអេឡិចត្រូនិក និងឧបករណ៍ពិសេសរបស់យើង ពីព្រោះជាមួយនឹងការសន្មត់បែបនេះ អ្នកនឹងធ្លាក់ក្នុងស្ថានភាពកាន់តែអាក្រក់ឡើងៗ ជាងអ្វីអ្នកដែលអ្នកកំពុងស្ថិតនៅរួចហើយនេះ»។  

នាពេលមុននេះ ប្រធានាធិបតីអាមេរិកលោក ដូណាល់ ត្រាំ បានថ្លែងនៅក្នុងសុន្ទរកថាមួយទៅកាន់ប្រជាជាតិថា កងទ័ពជើងទឹក និងកងកម្លាំងអាកាសរបស់អ៊ីរ៉ង់ ត្រូវបានបំផ្លាញ ហើយសមត្ថភាពមីស៊ីលរបស់ខ្លួន នឹងត្រូវបានកាត់បន្ថយមកត្រឹមកម្រិតអប្បបរមា ក្នុងពេលឆាប់ៗនេះ៕