ឧស្សាហកម្មវាយនភណ្ឌនៅទីក្រុងភាគខាងត្បូង Tiruppur របស់ឥណ្ឌា បានជាប់គាំង ស្របពេលភាពពុំច្បាស់លាស់នៃការផ្គត់ផ្គង់ហ្គាស LPG ដោយសារវិបត្តិនៅប្រទេសអ៊ីរ៉ង់ ។

សង្រ្គាមសហរដ្ឋអាមេរិក-អ៊ីស្រាអែលលើអ៊ីរ៉ង់ បានបង្អាក់ការដឹកជញ្ជូនតាមច្រកសមុទ្រ Hormuz ស្ទើតែទាំងស្រុង ប៉ុន្តែអ៊ីរ៉ង់និយាយថា នាវាដែលមិនមែនជាសត្រូវ អាចធ្វើដំណើរឆ្លងកាត់បានតាមផ្លូវទឹកមួយនេះបាន បើសិនជាពួកគេសម្របសម្រួលជាមួយអាជ្ញាធរអ៊ីរ៉ង់ ។

ក្រុមហ៊ុននាំចេញវាយនភណ្ឌនិយាយថា ឧស្សាហកម្មរបស់ពួកគេពឹងផ្អែកខ្លាំងលើហ្គាស ហើយការសម្រេចចិត្តរបស់រដ្ឋាភិបាលឥណ្ឌា ក្នុងការដំឡើងថ្លៃហ្គាស បានបន្ថែមបន្ទុកលើពួកគេ ធ្វើឲ្យប៉ះពាល់ដល់ការនាំចេញ ។

ប្រទេសឥណ្ឌាប្រើប្រាស់ហ្គាស LPG ចំនួន ៣៣.១៥លានតោន កាលពីឆ្នាំមុន ក្នុងនោះការនាំចូលស្មើនឹង ៦០ភាគរយនៃតម្រូវការ ហើយការនាំចូលប្រហែល ៩០ភាគរយ បានមកពីតំបន់មជ្ឈិមបូព៌ា ៕